নলবাৰী,16 জুন : নলবাৰীৰ জয়মঙলাত মঙলবাৰে নিশা সংঘটিত হয় এক ভয়ংকৰ পথ দুৰ্ঘটনা ৷ পথ দুৰ্ঘটনাটোত আৰক্ষীৰ এজন কনিষ্টবল নিহত হয় ৷ প্ৰাপ্ত তথ্য অনুসৰি, স্কুটীৰে কৰ্তব্যৰ পৰা ঘৰলৈ উভতি অহাৰ সময়ত দুৰ্ঘটনাত পতিত হয় সনাতন বৰ্মন নামৰ কনিষ্টবল গৰাকী ৷
শোলমাৰা আৰক্ষী চকীত কৰ্মৰত বৰ্মন থিতাতে নিহত হয় ৷ AS 01 DZ 4693 নম্বৰৰ স্কুটীৰে সনাতন বৰ্মনে বানেকুছিস্থিত ঘৰলৈ আহি থকা অৱস্থাত এটা গৰুক খুন্দিওৱাৰ ফলত দুৰ্ঘটনাত পতিত হোৱাৰ আশংকা ব্যক্ত কৰিছে স্থানীয় ৰাইজে ৷
লগতে পঢ়ক : এবছৰে ন্যায়ৰ পৰা বঞ্চিত বৰহোলাৰ জয়ন্ত বৰাৰ পৰিয়াল
