বঢ়মপুৰ, 16 ছেপ্টেম্বৰঃ নগাঁও কঠিয়াতলী সমবায় সমিতিয়ে চলিত মাহত সুলভ মূল্যৰ চাউল বিতৰণ নকৰাৰ প্ৰতিবাদত উত্তেজিত হৈ পৰে ৰাঙলুৰ একাংশ মহিলা ৷ সোমবাৰে সমিতিখনৰ ২০১৯-২০ বৰ্ষৰ সাধাৰণ সভা অনুষ্ঠিত হয় ৷ কিন্তু সভালৈ হিতাধীকাৰীসকলক আমন্ত্ৰণ নিদিয়াৰ অভিযোগ তুলি একাংশ মহিলাই সভাৰস্থলীতেই হুলস্থুলীয়া পৰিবেশৰ সৃষ্টি কৰি সভা অচল কৰি তোলাৰ লগতে সুলভমূল্যৰ চাউল বিচাৰি প্ৰতিবাদ সাব্যস্ত কৰে । উত্তেজিত মহিলাসকলে সমিতিৰ সভাপতি আশাফুল ইছলামক ঘেৰাও কৰি "আমাক চাউল লাগিবই" ইত্যাদি ধ্বনি দি পৰিস্থিতি উত্তপ্ত কৰি তোলে ৷
সুলভ মূল্যৰ চাউল বিচাৰি মহিলাৰ প্ৰতিবাদ
