কলিয়াবৰ,15 জুলাইঃ কলিয়াবৰত বনৰীয়া গাহৰিৰ আক্ৰমণত আহত হৈছে তিনিজনকৈ লোক। বানপানীৰ ফলত ওখ ঠাইত আশ্ৰয় বিচাৰি বনাঞ্চলৰ পৰা ওলাই অহা এটা প্ৰকাণ্ড বনৰীয়া গাহৰিয়ে ঘৰৰ সমীপতে আক্ৰমণ কৰে এগৰাকী মহিলাসহ তিনিজনকৈ লোকক। বনৰীয়া গাহৰিটোৰ আক্ৰমণত দীপা ওৰাং নামৰ মহিলাগৰাকী গুৰুতৰভাৱে আহত হোৱাৰ লগতে অৰুণ চৌধুৰী আৰু অজিত চৌধুৰী নামৰ লোকদুজনো কিছু পৰিমাণে আহত হয়। শিলঘাটস্থিত কলিয়াবৰ চাহ বাগিচাৰ বৰ-লাইনত সংঘটিত হৈছে এই ঘটনা। আহত তিনিওজনকে প্ৰথমে জখলাবন্ধা চিকিৎসালয়ত ভৰ্তি কৰোৱা হয়। ইয়াৰে দীপা ওৰাং নামৰ মহিলাগৰাকীৰ অৱস্থা সংকটজনক। আহত তিনিওকে উন্নত চিকিৎসাৰ বাবে প্ৰেৰণ কৰিছে নগাঁৱলৈ।
কলিয়াবৰত বনৰীয়া গাহৰিৰ আক্ৰমণ
