নগাওঁ, 20 এপ্ৰিল : নগাঁও জিলাৰ কঠীয়াতলী আৰক্ষী চকীৰ এটি দলে সোমবাৰে নিশা ৩৬ নং ৰাষ্ট্ৰীয় ঘাইপথত অভিযান চলাই তিনিটা গভাইত চোৰক আটক কৰে । আটকাধীন চোৰকেইটা কামপুৰ মাজৰ আটিৰ লাটুমণী গোঁহাই (৩২), তৰুণ ডেকা আৰু (৩৫) সন্তো শইকীয়া ( ৪৮) বুলি জানিব পৰা হৈছে ৷
নগাঁৱৰ কঠিয়াতলীত আটক তিনি গভাইত চোৰ
চোৰৰ দলটোৰ পৰা আৰক্ষীয়ে কামপুৰ চেনি কলৰ বহু যন্ত্ৰাংশ উদ্ধাৰ কৰিবলৈ সক্ষম হয় ৷ যন্ত্ৰাংশ কঢ়িয়াই অনা গাড়ীখনৰ নম্বৰ AS 02 CC 5611 বুলি আৰক্ষীৰ পৰা জানিব পৰা গৈছে । চোৰৰ দলটোৱে দীৰ্ঘদিন ধৰি চেনি কলৰ যন্ত্ৰাংশ সমূহ চুৰি কৰি বিক্ৰী কৰি আহিছিল বুলি আৰক্ষীয়ে জানিবলৈ দিয়ে ।
লগতে পঢ়ক : ক'ভিডৰ ভয়াৱহতা: বাতিল হ’ল শিলঘাট অশোকাষ্টমী মেলা
