নগাঁও,২৭ মাৰ্চ: শনিবাৰে সন্ধিয়া হোৱা প্ৰচণ্ড ধুমুহাই বিস্তৰ ক্ষতি সাধন কৰে নগাৱঁৰ বিভিন্ন অঞ্চলত । নগাঁৱৰ জুৰীয়া, ধিং, পুৰণিগুদাম আদি অঞ্চলত বিস্তৰ ক্ষতিসাধন হয় ধুমুহাত । বহু লোকৰ ঘৰ দুৱাৰ ভাঙি তছনছ কৰাৰ উপৰিও ধুমুহাত উভালি পৰে বহু প্ৰকাণ্ড প্ৰকাণ্ড গছ । গছ উভালি বহু ঠাইৰ পথৰ ওপৰত পৰাত বিঘ্নিত যাতায়ত ব্যৱস্থা (storm affecting transportation in Nagaon) । কেৱল এয়াই নহয় ধুমুহাৰ ফলত নগাঁৱৰ বিভিন্ন অঞ্চলত ব্যাহত হৈ পৰে বিদ্যুৎ সেৱা । সম্প্ৰতি নগাঁৱৰ বহু অঞ্চলত এতিয়াও স্তব্ধ বিদ্যুৎ সেৱা ।
পুৰণিগুদাম, বকুলতল, বৰপানীগাঁও, সুতাৰগাঁও আদি অঞ্চলত ৩২ঘণ্টা পৰ্য্যন্ত বিদ্যুৎ সংযোগ বিচ্ছিন্ন হৈ আছে । চামগুৰি বিদ্যুৎ বিভাগৰ অকৰ্মণ্যতাত এতিয়া জীয়াতু ভূগিছে ৰাইজে । চামগুৰি বিদ্যুৎ বিভাগৰ কৰ্তৃপক্ষৰ বিৰুদ্ধে ক্ষুব্ধ হৈ পৰিছে স্থনীয় ৰাইজ । বিদ্যুৎ সেৱা ব্যাহত হৈ পৰাৰ ফলত ব্যাপক অসুবিধাৰ সন্মুখীন হৈছে স্থানীয় লোকৰ লগতে বিশেষকৈ পৰীক্ষাৰ্থী সকল ।
লগতে পঢ়ক: নিমাতী-মাজুলীৰ মাজত স্তব্ধ বিভাগীয় ফেৰী সেৱা
