নিম্নগামী কেঁচাপাতৰ মূল্য: দিক বিদিক হেৰুৱাইছে ক্ষুদ্ৰ চাহ খেতিয়কে

চাহপাতৰ মূল্য প্ৰতি কেজিত ২০ টকাৰো অধিক হ্ৰাস হোৱাত মুৰে কপালে হাত দিব লগীয়া হৈছে ৰাজ্যৰ ক্ষুদ্ৰ চাহ খেতিয়ক সকলে । কেঁচা চাহপাতৰ নিম্নগামী মূল্যৰ বাবে এতিয়া বিপাঙত পৰিছে নগাঁৱৰ চাপানালাৰ ডেৰ শতাধিক ক্ষুদ্ৰ চাহ খেতিয়ক । ক্ষুদ্ৰ চাহ খেতিয়কৰ কোনা সমস্যাই নাই বুলি মন্তব্য প্ৰকাশ কৰা মন্ত্ৰী চন্দ্ৰ মোহন পাটোৱাৰীক উভতি ধৰিছে ৰাজ্যৰ একাংশ ক্ষুদ্ৰ চাহ খেতিয়কে ।

চামগুৰি, 23 জুলাই : ৰাজ্যজুৰি ক্ষুদ্ৰ চাঁহ খেতিয়কসকল ক্ষতিগ্ৰস্ত হৈ থকাৰ সময়তে কেঁচা চাহপাতৰ মূল্য প্ৰতি কেজিত ২০ টকাৰো অধিক হ্ৰাস হোৱাত মূৰে কপালে হাত দিবলগীয়া হৈছে ৰাজ্যৰ ক্ষুদ্ৰ চাহ খেতিয়ক সকলে । সাৰ, কীটনাশক, শ্ৰমিক মজুৰি আদি প্ৰদানৰ ক্ষেত্ৰত চূড়ান্ত অসুবিধাত পৰিছে ক্ষুদ্ৰ ব্যক্তিগত চাহ বাগিছাসমূহৰ মালিক পক্ষ । আনকি কেঁচা চাহপাতৰ মূল্য নিম্নগামী হোৱাৰ ফলত পৰিয়াল পোহপাল দিবলৈও অপাৰগ হৈ পৰিছে ৰাজ্যৰ ক্ষুদ্ৰ চাহ খেতিয়ক সকল ।

ইমানৰ পিছতো চলিত বাজেত অধিৱেশনত ক্ষুদ্ৰ চাহ খেতিয়কসকলৰ বাবে কোনো ধৰণৰ পুঁজি ধাৰ্য নকৰাৰ বাবে সম্প্ৰতি চৰম অসন্তুষ্টি প্ৰকাশ কৰা দেখা গৈছে ভুক্তভোগী ক্ষুদ্ৰ চাহ খেতিয়ক সকলে । কিন্তু, অতি উদ্বেগজনকভাৱে ক্ষুদ্ৰ চাহ খেতিয়কৰ কোনা সমস্যাই নাই বুলি মন্তব্য প্ৰকাশ কৰা মন্ত্ৰী চন্দ্ৰ মোহন পাটোৱাৰীক (Chandramohan Patowary) উভতি ধৰিছে ৰাজ্যৰ একাংশ ক্ষুদ্ৰ চাহ খেতিয়কে । ইফালে কেঁচা চাহপাতৰ মূল্য নিম্নগামী হোৱাৰ মূলতে "ভাৰতীয় চাহ বোৰ্ড"এ নিৰ্ধাৰণ কৰা TMCৰ কোনো নীত-নিৰ্দেশনা পালন নকৰা একাংশ বণিয়া গোষ্ঠীৰ ষড়যন্ত্ৰ বুলিও অভিযোগ উত্থাপন কৰিছে ক্ষুদ্ৰ চাহ খেতিয়কসকলে ।

• Interacted with a delegation of Small Tea Growers at a meeting at Assam Administrative Staff College today. Issues of minimum support price irrespective of peak and lean season and improvement of the quality of tea leaves etc. were discussed. @himantabiswa @CMOfficeAssam pic.twitter.com/qf00pyEfbS

  — Chandra Mohan Patowary (@cmpatowary) July 22, 2021 " class="align-text-top noRightClick twitterSection" data="

  Interacted with a delegation of Small Tea Growers at a meeting at Assam Administrative Staff College today. Issues of minimum support price irrespective of peak and lean season and improvement of the quality of tea leaves etc. were discussed. @himantabiswa @CMOfficeAssam pic.twitter.com/qf00pyEfbS

  — Chandra Mohan Patowary (@cmpatowary) July 22, 2021

  ">

  Interacted with a delegation of Small Tea Growers at a meeting at Assam Administrative Staff College today. Issues of minimum support price irrespective of peak and lean season and improvement of the quality of tea leaves etc. were discussed. @himantabiswa @CMOfficeAssam pic.twitter.com/qf00pyEfbS

  — Chandra Mohan Patowary (@cmpatowary) July 22, 2021

উল্লেখযোগ্য যে, বৃহস্পতিবাৰে মন্ত্ৰী চন্দ্ৰমোহন পাটোৱাৰীয়ে ৰাজ্যৰ ক্ষুদ্ৰ চাহ খেতিয়ক সকলৰ এটা প্ৰতিনিধি দলৰ সৈতে আলোচনাত মিলিত হৈছিল ৷ এই আলোচনাত দলটোৰ সৈতে কেঁচা চাহপাতৰ ওপৰত এটা নূন্যতম সমৰ্থন মূল্য (minimum support price) আৰোপৰ বিষয়ে কথা হোৱাৰ কথা টুইটযোগে অৱগত কৰে মন্ত্ৰী গৰাকীয়ে ৷

কেঁচা চাহপাতৰ নিম্নগামী মূল্যৰ বাবে সমগ্ৰ ৰাজ্যৰ লগতে এতিয়া বিপাঙত পৰিছে নগাঁৱৰ চাপানালাৰ ডেৰ শতাধিক ক্ষুদ্ৰ চাহ খেতিয়ক (small tea growers) । ক’ভিড সৃষ্ট পৰিৱেশত এইদৰে এতিয়া নিম্নগামী হোৱা কেঁচাপাতৰ মূল্যৰ বাবে দিক বিদিক হেৰুৱাইছে চাপানালাৰ এই সকল ক্ষুদ্ৰ চাহ খেতিয়কসকলে ৷ সম্প্ৰতি, বিভাগীয় মন্ত্ৰী গৰাকীৰ লগতে মুখ্যমন্ত্ৰী ড৹ হিমন্ত বিশ্ব শৰ্মাক সমগ্ৰ বিষয়টো আন্তৰিকতাৰে দৃষ্টিগোচৰ কৰিবৰ বাবে সংবাদ মাধ্যমৰ জৰিয়তে খেতিয়ক সকলে কাতৰ অনুৰোধ জনাইছে ৷

লগতে পঢ়ক : ক’ত হেৰাল APSC- পৰীক্ষাৰ ৭০ খন উত্তৰবহী ?