নগাঁও, 19 মে’ : এছ আই জোনমণি ৰাভাৰ মৃত্যুক লৈ অব্যাহত আছে ব্যাপক চাঞ্চল্য । জোনমণি ৰাভাৰ মৃত্যুক লৈ সৃষ্টি হোৱা ৰহস্যৰ মাজতে অব্যাহত আছে চি আই ডিৰ অনুসন্ধান । ইয়াৰ মাজতে ইটিভি ভাৰতৰ হাতত আহি পৰিছে জোনমণি ৰাভাৰ মৰণোত্তৰ পৰীক্ষাৰ প্ৰতিবেদন (Death mystery of Junmoni Rabha) । নগাঁৱৰ জখলাবন্ধাত এক পথ দুৰ্ঘটনাত মৃত্যু হোৱা এছ আই জোনমণি ৰাভাৰ মৰণোত্তৰ পৰীক্ষাৰ প্ৰতিবেদনত উল্লেখ আছে বহু চাঞ্চল্যকৰ তথ্য (Postmortem report of SI Junmoni Rabha) ।
প্ৰথমাৱস্থাত পথ দুৰ্ঘটনা আৰু পৰৱৰ্তী সময়ত মৃত্যুক লৈ ৰহস্যৰ সৃষ্টি হোৱা এছ আই জোনমণি ৰাভাৰ মৃতদেহৰ বিভিন্ন অংশত আঘাতৰ চিন স্পষ্ট হোৱা বুলি উল্লেখ মৰণোত্তৰ পৰীক্ষাৰ প্ৰতিবেদনত (SI Junmani Rabha accident) । উল্লেখযোগ্য যে, বিগত 15 মে'ৰ নিশা নগাঁৱৰ জখলাবন্ধাত এখন কণ্টেইনাৰ ট্ৰাক আৰু এছ আই জোনমণি ৰাভাৰ এছ প্ৰেছ' বাহনৰ মাজত হোৱা সংঘৰ্ষত মৃত্যু হৈছিল এছ আই জোনমণি ৰাভাৰ (Junmoni Rabha death case) ৷ কিন্তু জোনমণিৰ মৃত্যুৰ ঘটনাক লৈ সৃষ্টি হৈছে কেতবোৰ প্ৰশ্নবোধকৰ (SI Junmoni Rabha mysterious death) ।
জোনমণি ৰাভাৰ মৃত্যুৰ পিছত জোনমণি ৰাভাৰ পৰিয়ালৰ অভিযোগ আৰু পোহৰলৈ অহা এটাৰ পিছত আনটো তথ্যৰ পিছতেই অধিক ৰহস্যঘন হৈ পৰিছিল এছ আই জোনমণি ৰাভাৰ মৃত্যু । জোনমণি ৰাভাৰ মৃত্যুক লৈ ইতিমধ্যেই চি আই ডি য়ে আৰম্ভ কৰিছে অনুসন্ধান । দুৰ্ঘটনাস্থলী পৰিদৰ্শনৰ লগতে নগাঁও আৰক্ষী থানাৰ বিষয়া কৰ্মচাৰীৰ উপৰি প্ৰত্যক্ষদৰ্শীকো জেৰা কৰিছে চি আই ডিৰ দলটোৱে (Eyewitness of Junmani Rabha accident) ৷ ইয়াৰ মাজতে পোহৰলৈ আহিছে জোনমণি ৰাভাৰ মৰণোত্তৰ পৰীক্ষাৰ প্ৰতিবেদন । পৰৱৰ্তী সময়ত নিৰপেক্ষ তদন্তৰ পিছতহে পোহৰলৈ আহিব জোনমণি ৰাভাৰ মৃত্যুৰ প্ৰকৃত ৰহস্য ।
লগতে পঢ়ক: Death mystery of Junmoni Rabha: সৰবৰাহকাৰী চক্ৰৰ টাৰ্গেট হ'ল নেকি এছ আই জোনমণি ৰাভা ?
