নগাঁও,25 জানুৱাৰীঃ শনিবাৰে পুৱাই চামগুৰিৰ বিলপাৰত উপস্থিত হয় বীৰ লাচিত সেনাৰ নেতা শৃংখল চলিহা । সংবাদ মাধ্যমৰ সৈতে হোৱা এক সাক্ষাৎকাৰত শৃংখল চলিহাই কৰে বহুকেইটা গুৰুত্বপূৰ্ণ মন্তব্য ৷ দুই-এক বিশেষ সংগঠনৰ প্ৰভাৱৰ বাবে 'কা' বিৰোধী আন্দোলন কিছু পৰিমাণে সীমিত হোৱা বুলি স্বীকাৰ কৰে শৃংখল চলিহাই । অসমত গণতন্ত্ৰ নহয় বিজেপিতন্ত্ৰ চলিছে, বিজেপিক বিৰোধিতা কৰা সকলো দেশদ্ৰোহী আৰু বিজেপিৰ সমৰ্থক সকল এতিয়া দেশপ্ৰেমিক হৈ পৰিছে ৷ আন্দোলনৰ বাবে বিজেপিৰ দৰে টকা দি মানুহক সভালৈ উলিয়াই অনা নাই 'কা' বিৰোধী পক্ষই ।
এনেদৰে বিস্ফোৰক মন্তব্য কৰি অখিল গগৈ সহ আন কাৰাবন্দী সকলক মুক্তিৰ দাবী উত্থাপন কৰে শৃংখল চলিহাই । 'কা' বিৰোধী আন্দোলনৰ প্ৰতি আলফাৰ স্থিতি মৌন, যি সংগঠনেই নহওঁক 'কা' বিৰোধী স্থিতি দৃঢ় কৰিব লাগে বুলিও মন্তব্য কৰে শৃংখল চলিহাই । আত্মসমৰ্পণৰ যোগেদি একাংশ উগ্ৰপন্থী সংগঠনে আত্মপ্ৰকাশ কৰা বুলি উল্লেখ কৰি এয়া লজ্জাৰ কথা বুলি মন্তব্য কৰে শৃংখল চলিহাই । বাংলাদেশৰ পৰা পলাই অহা এটা জাতিয়ে হাতত বন্দুক উঠাই ল'লে অসমীয়াই ভয় নাখায় বুলিও মন্তব্য বীৰ লাচিত সেনাৰ নেতাগৰাকীৰ ৷ কংগ্ৰেছ এটা নস্যাৎ দল, এতিয়া আঞ্চলিকতাবাদী শক্তিৰহে সৃষ্টি হ'ব, এইবাৰ অগপৰ দৰে নেতাৰ পৰিৱৰ্তে সিংহৰ জন্ম হ'ব বুলিও মন্তব্য কৰে শৃংখল চলিহাই ।
লগতে পঢ়কঃ আলফা স্বাধীনৰ বন্ধ সন্দৰ্ভত আৰক্ষী আয়ুক্তৰ প্ৰতিক্ৰিয়া
