নগাঁও, ৭ ফেব্ৰুৱাৰী: নগাঁৱত বাইক ষ্টান্ট কৰি বিপদত এজন যুৱক । শনিবাৰে নিশা নগাঁও-মৰিগাঁও সংযোগী পথৰ জলময়গাঁৱত এজন যুৱকে বাইক ষ্টান্ট কৰাত সংঘটিত হয় অঘটন । চলন্ত অৱস্থাতে বাইকখনত সংঘটিত হয় অগ্নিকাণ্ড ।
ৰাজপথত এইদৰে বাইক ষ্টান্ট কৰাত হঠাৎ অগ্নিপিণ্ডত পৰিণত হয় চলন্ত বাইকখন । কথমপি প্ৰাণ ৰক্ষা পৰে বাইক ষ্টান্ট কৰা যুৱকজনৰ । ইফালে এই ঘটনা সংঘটিত কৰিয়েই ৰাইজৰ ৰোষত পৰাৰ ভয়ত জ্বলন্ত বাইক এৰি পলায়ন কৰে যুৱকজনে ।
উল্লেখ্য যে, একাংশ উদণ্ড যুৱকে এইদৰে ৰাজপথতেই বাইক ষ্টান্ট কৰি নিজৰ লগতে আনকো বিপদত পেলাই আহিছে । এইসকল যুৱকৰ এনে কৰ্ম-কাণ্ডক নাকী লগোৱাতো বাধ্যতামূলক বুলি মত প্ৰকাশ কৰে স্থানীয় ৰাইজে ।
লগতে পঢ়ক:২০২৩ চনৰ ভিতৰত উত্তৰ-পূৱৰ ৬ টা লাইনত চলিব বিদ্যুৎ চালিত ৰে’ল
