নগাঁও,৫ মে': নগাঁৱৰ ধিঙৰ ধূপগুৰিত পথৰ দাঁতিত বাগৰিল এখন দ্ৰুতবেগী ট্ৰেভেৰা বাহন । প্ৰথমে এখন বাইকৰ সৈতে মুখামুখি সংঘৰ্ষ ঘটে,তাৰ পিছতে ট্ৰেভেৰা বাহনখন পথৰ দাঁতিত বাগৰি পৰে । এই ভয়াৱহ দুৰ্ঘটনাত বাইক আৰোহীসহ ট্ৰেভেৰা বাহনখনৰ ৬ জন যাত্ৰী আহত হয় ।
আহত ব্যক্তিকেইগৰাকী হৈছে পূৰ্ণিমা ডেকা, চন্দন ডেকা, ছাদিকুল ইছলাম, অজুফা খাতুন, নাছিমা খাতুন আৰু চালক মাইনুল ইছলাম । আটাইকেইগৰাকীকে সংকটজনক অৱস্থাত ধিঙৰ গ্ৰাম্য চিকিৎসালয়ত ভৰ্তি কৰোৱা হয় ।
আহত ব্যক্তিকেইগৰাকী ধিং, লাহৰীঘাট আৰু ৰূপহীৰ বুলি জানিব পৰা গৈছে । দুৰ্ঘটনাত পতিত হোৱা AS 01 EC 8995 নম্বৰৰ ট্ৰেভেৰা আৰু AS 02 L 6234 নম্বৰৰ বাইকখন সম্প্ৰতি জব্দ কৰিছে ধিং আৰক্ষীয়ে ।
লগতে পঢ়ক: কাকপথাৰত মৰাণ ছাত্ৰ সন্থাৰ ৫৩ সংখ্যক প্ৰতিষ্ঠা দিৱস উদযাপন
