ৰূপহীহাট, 1 ফেব্ৰুৱাৰী : কৃষক নেতা অখিল গগৈৰ মুক্তিৰ দাবীত সোমবাৰে ৰূপহীহাটৰ জুৰীয়াত দুঘণ্টীয়া অৱস্থান ধৰ্মঘট কাৰ্যসূচী ৰূপায়ন কৰে ৰাইজৰ দলে ৷ জুৰীয়াস্থিত ৰূপহী ৰাজহ চক্ৰৰ চক্ৰ বিষয়াৰ কাৰ্যালয়ৰ গেটৰ সন্মুখত নৱগঠিত আঞ্চলিক দলটোৱে দিনৰ 11 বজাৰ পৰা দুপৰীয়া 1 বজালৈ ৰূপায়ন কৰে অৱস্থান ধৰ্মঘট ।
ৰাইজৰ দলৰ দুই শতাধিক কৰ্মীয়ে অংশগ্ৰহণ কৰে এই প্ৰতিবাদত । প্ৰতিবাদত কৃষক নেতা অখিল গগৈৰ মুক্তিৰ দাবী সম্বলিত প্লে’ কাৰ্ড প্ৰদৰ্শন কৰে দলৰ নেতা-কৰ্মীসকলে ।
উক্ত প্ৰতিবাদত অংশগ্ৰহণ কৰে কৃষক মুক্তি সংগ্ৰাম সমিতিৰ নেতা ৰাজু বৰুৱা, ৰাইজৰ দলৰ নেতা নজৰুল ইছলাম, এ কে আবুল লাইছকে ধৰি বহু নেতা-কৰ্মীয়ে ৷
লগতে পঢ়ক : মৰিগাঁৱত অসম জাতীয় পৰিষদৰ জাতীয় জাগৰণ সমাবেশ
