বসন্তৰ আগমনৰ আনন্দঃ তিৱা জনগোষ্ঠীয়ে পালন কৰিলে ছাগ্ৰা মিছৱা

প্ৰথম দিনা তিৱাসকলৰ ছামাদি অৰ্থাৎ ডেকা চাঙৰ পৰা আৰম্ভ কৰা হয় এই ছাগ্ৰা মিছৱা উৎসৱ। তাৰ পিচৰ প্ৰতিটো দিনতেই পালন কৰা হয় নানা ধৰ্মীয় কাৰ্যাসূচী ৷ নৃত্য-গীতৰ জৰিয়তে অপায়-অমংগল দূৰ হোৱাৰ লগতে সমাজত শান্ত-সম্প্ৰীতি অটুত ৰখাৰ বাবে প্ৰাৰ্থন জনায় ৰহাৰ বৰ আমৰিৰ তিৱা লোকসকলে ৷

ৰহা, 30 মাৰ্চঃকৃষি আৰু প্ৰকৃতিয়েই সংস্কৃতিৰ আধাৰ ৷ বসন্তৰ আগমনত আনন্দিত ৰহাৰ তিৱা লোকসকলে আনন্দ-উছাহেৰে পালন কৰিলে ছগ্ৰা মিছৱা নামেৰে জনাজাত তেওঁলোকৰ পৰম্পৰাগত বসন্ত উৎসৱ ৷ মঙলবাৰৰ পৰা আৰম্ভ হোৱা এই পৰম্পৰাগত উৎসৱৰ শনিবাৰে সামৰণি পৰে ৷ অন্তিম দিনটোত স্বকীয় গীত-নৃত্যৰে আনন্দ উপভোগ কৰে জনগোষ্ঠীটোৰ লোকসকলে ৷

কেৱল পুৰুষসকলে পৰিবেশন কৰা এই নৃত্য-গীত চাবলৈ ভিৰ কৰে শতাধিক মহিলায়ো ৷ প্ৰথম দিনা তিৱাসকলৰ ছামাদি অৰ্থাৎ ডেকা চাঙৰ পৰা আৰম্ভ কৰা হয় এই ছাগ্ৰা মিছৱা উৎসৱ। তাৰ পিচৰ প্ৰতিটো দিনতেই পালন কৰা হয় নানা ধৰ্মীয় কাৰ্যাসূচী ৷নৃত্য-গীতৰ জৰিয়তে অপায়-অমংগল দূৰ হোৱাৰ লগতে সমাজত শান্ত-সম্প্ৰীতি অটুত ৰখাৰ বাবে প্ৰাৰ্থন জনায় ৰহাৰ বৰ আমৰিৰ তিৱা লোকসকলে ৷