ৰহা, ১৩ ছেপ্টেম্বৰ: সোমবাৰে ৰহা আঞ্চলিক ছাত্ৰ সন্থাৰ অন্তৰ্গত ৰহা মহাবিদ্যালয়(Raha College)ৰ আছু গোট গঠন কৰা হয় । এই কাৰ্যসূচীত মহাবিদ্যালয়খনৰ প্ৰায় ২০০ ছাত্ৰ-ছাত্ৰী উপস্থিত থাকে । অনুষ্ঠিত সভাখনিত ৰহা মহাবিদ্যালয় আছু গোট নামেৰে এখন ৪১ জনীয়া সমিতিও গঠন কৰা হয়(Formation of Raha College AASU Group) ।
মহাবিদ্যালয়খনৰ ছাত্ৰ প্ৰজ্ঞানদীপ গোস্বামীক সভাপতি, কৌশিক তামুলী আৰু অৰূপ দাসক যুটীয়া সম্পাদক হিচাবে সকলোৱে সমৰ্থন জনাই ৰহা মহাবিদ্যালয় আছু গোটটো গঠন কৰা হয় । ৰহা আঞ্চলিক ছাত্ৰ সন্থাৰ জ্যেষ্ঠ নেতা মৃদুল হাজৰিকা, সঞ্জয় কুমাৰ কাকতি, ভাৰত বৰুৱা আৰু মৃগাংক বৰাৰ তত্বাৱধানত এই গোটটো গঠন কৰা হয় ।
উল্লেখ্য যে এই গোটে সমাজৰ বাবে কাম কৰি যোৱাৰ আশা প্ৰকাশ কৰে ৰহা আঞ্চলিক ছাত্ৰ সন্থাৰ(AASU Raha branch) বিষয়ববীয়াই ।
লগতে পঢ়ক: দিন দুপৰতে টীয়কত চোৰৰ চফাই অভিযান
