নগাঁও, 5 চেপ্তেম্বৰ: নগাঁৱৰ পুৰণিগুদাম আৰ.কে.বি উচ্চতৰ মাধ্যমিক বিদ্যালয়ত ছাত্ৰ একতা সভাৰ অৱস্থান ধৰ্মঘট৷ আৰ.কে.বি উচ্চতৰ মাধ্যমিক বিদ্যালয়ৰ অধ্যক্ষা আৰু ছাত্ৰ একতা সভাৰ সম্পাদকক আক্ৰমণৰ ঘটনাক লৈ প্ৰতিবাদী কাৰ্যসূচী ৰূপায়ণ কৰে মহাবিদ্যালয়খনৰ ছাত্ৰ-ছাত্ৰীসকলে৷ বুধবাৰে বিদ্যালয়খনৰ ছাত্ৰ একতা সভাৰ সাধাৰণ সম্পাদক পুলক বৰাক আক্ৰমণ কৰিছিল এটা দুৰ্বৃত্তৰ দলে৷ । বিদ্যালয়ত অনাধিকাৰ প্ৰৱেশ কৰি ছাত্ৰজনক আক্ৰমণ কৰিছিল দুৰ্বৃত্তৰ দলটোৱে৷ আক্ৰমণত গুৰুতৰভাৱে আঘাতপ্ৰাপ্ত হয় ছাত্ৰজন৷ ইয়াৰ লগতে দুৰ্বৃত্তৰ দলটোৱে আক্ৰমণ কৰে বিদ্যালয়খনৰ বহুকেইগৰাকী কৰ্মচাৰীৰ লগতে অধ্যক্ষাক৷
ঘটনা সন্দৰ্ভত পুৰণিগুদাম আৰক্ষীয়ে আটক কৰে তিনিজনকৈ যুৱকক৷ ধৃত যুৱক তিনিজন পুৰণিগুদামৰ চলচলিৰ বুলি জানিব পৰা গৈছে৷ উল্লেখযোগ্য য়ে এই ঘটনাৰ বাবেই শিক্ষক তথা ছাত্ৰ-ছাত্ৰীয়ে আজি শিক্ষক দিৱসৰ কাৰ্যসূচীও বৰ্জন কৰে৷ বিভিন্ন অনুষ্ঠান আৰু বিভিন্ন বিদ্যালয়ৰ ছাত্ৰ ছাত্ৰীয়ে এই কাৰ্যসূচীত অংশগ্ৰহণ কৰা পৰিলক্ষিত হয়৷ এই ঘটনাক জিলাখনৰ বিজ্ঞ মহলে তীব্ৰ সমালোচনা কৰাৰ লগতে দোষীক উপযুক্ত শাস্তি দিয়াৰ দাবী তুলিছে৷
