নগাঁও,2জুলাইঃ কৰ'ণা মহামাৰীৰ সংকটৰ সময়ত এক প্ৰশংসনীয় পদক্ষেপ গ্ৰহণ কৰিছে নগাওঁ লাইন্স ক্লাৱে। আন্তঃৰাষ্ট্ৰীয় লাইন্স ফাউণ্ডেশ্যনৰ সহযোগত অসম,মণিপুৰত বিনামূলীয়াকৈ বিতৰণ কৰে ১৫ লাখ টকাৰ পি পি ই কিট। কোভিড-19 যুদ্ধত জড়িত চিকিৎসক স্বাস্থ্য কৰ্মীৰ মাজত বিতৰণ কৰে পি পি ই কিটসমূহ। অসমতে বিতৰণ কৰে ৮০০ পি পি ই কিট।
বৃহস্পতিবাৰে নগাঁও ভোগেশ্বৰী ফুকননী অসামৰিক চিকিৎসালয়ৰ চিকিৎসক, চিকিৎসাকৰ্মীৰ মাজত বিতৰণ কৰা হয় পি পি ই কিটসমূহ । আনুষ্ঠানিকভাৱে জিলা উপায়ুক্ত যাদৱ শইকীয়া, স্থানীয় বিধায়ক ৰূপক শৰ্মাৰ উপস্থিতিত পি পি কিটসমূহ বিতৰণ কৰা হয় বুলি জানিব পৰা গৈছে।
ইপিনে অসমত এতিয়া কৰ’ণা ভাইৰাছত আক্ৰান্তৰ সংখ্যা বৃদ্ধি পাই হৈছেগৈ 8955 গৰাকী ৷ এতিয়ালৈ আৰোগ্য হৈ উঠিছে 5831 গৰাকী লোক ৷ আনহাতে ৰাজ্যখনত বৰ্তমানলৈকে 12 জন লোকৰ কোভিডত মৃত্যু হৈছে ৷ ৰাজ্যখনত এতিয়াও সক্ৰিয় হৈ আছে মুঠ 3109 টা ঘটনা ৷ 1 জুলাইত ৰাজ্যখনত মুঠ 548 টা আক্ৰান্তৰ ঘটনা পোহৰলৈ আহিছে ৷
লগতে পঢ়কঃ পেট্ৰ’ল-ডিজেলৰ মূল্যবৃদ্ধিৰ বিৰুদ্ধে কংগ্ৰেছৰ প্ৰতিবাদ
