হত্যা নে আত্মহত্যা ?

ডিঙিত চীপ লৈ থকা অৱস্থাত উদ্ধাৰ জাগীৰোডৰ নগাঁও কাগজকলৰ বিষয়াৰ অৰ্ধগলিত মৃতদেহ

জাগীৰোড,29 এপ্ৰিলঃ জাগীৰোডস্থিত নগাঁও কাগজকলৰ ছিনিয়ৰ হোষ্টেলৰ এটা কোঠাত অৰ্ধগলিত মৃতদেহ উদ্ধাৰ ৷ হোষ্টেলটোৰ পৰা দুৰ্গন্ধ নিৰ্গত হোৱাত স্থানীয়লোকে অনুসন্ধান চলাই উদ্ধাৰ কৰে মৃতদেহটো ৷ উদ্ধাৰহোৱা মৃতদেহটো কাগজকলটোৰ বিষয়া বিশ্বজিৎ মজুমদাৰ ( ৫৮ ) বুলি জানিব পৰা গৈছে ৷

বিষয়াজনৰ মৃতদেহ উদ্ধাৰক লৈ সৃষ্টি হৈছে ব্যাপক চাঞ্চল্যৰ ৷ দীৰ্ঘদিন ধৰি দৰমহা বন্ধ হৈ থকাত কাগজকলটোৰ বিষয়াজনে মানসিক ভাৱে হতাশগ্ৰস্ত হৈ আত্মহত্যাৰ পথ বাচি লোৱা বুলি সন্দেহ কৰা হৈছে । উল্লেখযোগ্য যে,চৰকাৰী বঞ্চনাৰ বলি হৈ ৰাজ্যখনৰ এই বৃহৎ কাগজ কলটোৰ সহস্ৰাধিক বিষয়া,কৰ্মচাৰী তথা শ্ৰমিক সকলে যোৱা ২৫ মাহ ধৰি লাভ কৰা নাই প্ৰাপ্য দৰমহা ৷