9 এম এম পিষ্টলসহ নগাঁৱত আটক কুখ্যাত ডকাইত

গোপন সূত্ৰৰ পম খেদি নগাঁও আৰক্ষীয়ে আটক কৰে ডকাইতটোক ৷ লগতে ডকাইতটোৰ পৰা উদ্ধাৰ কৰে এটা 9 এম এম পিষ্টল আৰু এখন বাইক ৷

নগাঁও, 23 জুন : নগাঁৱত পিষ্টলসহ আটক এজন কুখ্যাত ডকাইত ৷ এক গোপন সূত্ৰৰ পম খেদি নগাঁও আৰক্ষীৰ এটা দলে নগাঁৱৰ চলচলিৰ পৰা এটা 9 এম এম পিষ্টল আৰু এখন বাইকসহ হবিবুৰ ৰহমান নামৰ ডকাইতটোক আটক কৰে । ধৃত হবিবুৰ নাম ডকাইতটো কেন্দুকুৰীৰ বহুকেইটা চুৰি, ডকাইতি কাণ্ডত জড়িত বুলি আৰক্ষীয়ে প্ৰকাশ কৰে । নগাঁও জিলা উপ আৰক্ষী অধীক্ষক মানস শইকীয়া আৰু বিশেষ শাখাৰ উপ আৰক্ষী অধীক্ষক জন দাসৰ নেতৃত্বত আৰক্ষীৰ এটা দলে অভিযান চলায় আটক কৰে হবিবুৰক ।