জুৰীয়াত অগ্নিকাণ্ড: ঘটনাৰ সৈতে জড়িত এজনক আটক

জুৰীয়া বজাৰত অগ্নি সংযোগৰ ঘটনা সংঘটিত কৰা বাবু নামৰ লোকজনক গোপন খবৰৰ ভিত্তিত আৰক্ষীয়ে আটক কৰে ৷ অগ্নিকাণ্ড সংঘটিত কৰাৰ আঁৰৰ ৰহস্য উদ্ঘাটনৰ বাবে বৰ্তমানো আৰক্ষীৰ তদন্ত অব্যাহত আছে ৷

জুৰীয়া, 17 এপ্ৰিল : নগাঁৱৰ ৰূপহীহাটৰ জুৰীয়া বজাৰত অগ্নি সংযোগৰ ঘটনাৰ লগত জৰিত এজনক আটক কৰিছে আৰক্ষীয়ে ৷ উল্লেখ্য যে,জুৰীয়া বজাৰত কোনো দুষ্টচক্ৰই যোৱা এসপ্তাহত দুবাৰকৈ অগ্নিকাণ্ডৰ ঘটনা সংঘটিত কৰিছিল ৷ সেয়েহে আৰক্ষীয়ে গোপন সূত্ৰৰ পম খেদি বৃহস্পতিবাৰে নিশা জুৰীয়া বজাৰৰ নিজ বাসগৃহৰ পৰা ঘটনাৰ লগত জড়িত বাবু নামৰ লোকজনক আটক কৰে ।

এই অগ্নিকাণ্ডৰ ফলত জুৰীয়া বজাৰৰ লক্ষাধিক টকাৰ সা-সম্পত্তি জুইত জাহ যায় ৷ কিন্তু দোকানসমুহত এনেদৰে জুই জ্বলাই সন্ত্ৰাসৰ সৃষ্টি কৰাৰ আঁৰৰ ৰহস্য বৰ্তমানো জানিব পৰা হোৱা নাই ৷

লগতে পঢ়ক : ডুমডুমাত এগৰাকী কৰ্কট ৰোগীৰ মহানুভৱতা