ৰূপহীহাট, ১৬ আগষ্টঃ দেশজুৰি ৭৪ সংখ্যক স্বাধীনতা দিৱস উদযাপন কৰাৰ দিনাই জুৰীয়াত চূড়ান্ত অৱমাননা কৰা হ'ল জাতীয় পতাকা । জুৰীয়াৰ চৰকাৰী খণ্ডৰ বিদ্যালয় লালুং গাওঁ মধ্য ইংৰাজী বিদ্যালয়ত 16 আগষ্টৰ পুৱা ১০ বজালৈকে উৰি থাকিল জাতীয় পতাকা। প্ৰধান শিক্ষক খাইৰুল ইছলামৰ গাফিলিতিৰ বাবেই এনে কাণ্ড সংঘটিত হোৱাৰ অভিযোগ ।
উল্লেখযোগ্য যে, ১৫ আগষ্টৰ দিনা ৰাতিপুৱা চকীদাৰ বালিৰাম কোঁৱৰে পতাকা উত্তোলন কৰিছিল যদিও ,১৬ আগষ্টৰ দিনাও উৰি থাকিল জাতীয় পতাকা । বিদ্যালয় খনৰ পৰা মাত্ৰ ৫০০ মিটাৰ আঁতৰত বিদ্যালয় খনৰ প্ৰধান শিক্ষকৰ ঘৰ ৷ তথাপিও তেঁও শনিবাৰে সময় নোলাল পতাকা উত্তোলন কৰিবলৈ । ইপিনে বিদ্যালয়খনত ৯ গৰাকী শিক্ষক -শিক্ষয়ত্ৰী থকাৰ পিছতো পতাকা উত্তোলন কৰাৰ সময়ত উপস্থিত নাছিল এজনো শিক্ষক । শিক্ষকৰ অবিহনে চকীদাৰ বালিৰাম কোঁৱৰে অকলে পতাকা উত্তোলন কৰিছিল । বিদ্যালয় খনৰ এনে কাৰ্যই সচেতন ৰাইজৰ চকু কপালত তুলিছে।
