নগাঁৱৰ কঠিয়াতলীত পথ দুৰ্ঘটনাত নিহত এজন

নগাঁও কঠিয়াতলী এঘাৰ মাইলত তীব্ৰবেগী বলেৰ’ পিকআপ ভানে মহতিয়াই নিয়ে এজন লোকক ৷ দুৰ্ঘটনাটোত নিহত হয় জাকিৰ হুছেইন নামৰ লোকজন ৷

নগাঁও,18 জানুৱাৰী : নগাঁও কঠিয়াতলীৰ এঘাৰ মাইলত সংঘটিত হৈছে এক পথ দুৰ্ঘটনা ৷ তীব্ৰবেগী বলেৰ’ পিকআপ ভানে মহতিয়াই নিয়ে এজন লোকক ৷ ফলত গুৰুতৰভাৱে আঘাতপ্ৰাপ্ত হয় জাকিৰ হুছেইন নামৰ এজন লোক ৷

ঘটনা অনুসৰি, নগাঁৱৰ ৩৬ নং ৰাষ্ট্ৰীয় ঘাইপথ পাৰ হ’বলৈ ডিভাইডাৰত ৰৈ থকা অৱস্থাতে জাকিৰ হুছেইন নামৰ লোকজনক বলেৰ’ পিকআপ ভানখনে মহতিয়াই নিয়ে ৷ গুৰুতৰভাৱে আহত জাকিৰ হুছেইনক ততাতৈয়াকৈ চিকিৎসালয়লৈ প্ৰেৰণ কৰা হয় যদিও চিকিৎসকে লোকজনক মৃত বুলি ঘোষণা কৰে ৷ আনহাতে, স্থানীয় লোকে চালক সহ দুৰ্ঘটনা সংঘটিত কৰা বাহনখন জব্দ কৰি আৰক্ষীক গতাই দিয়ে ৷

লগতে পঢ়ক-পত্নীক হত্যা কৰি বস্তাত ভৰাই লুকুৱাই থৈ পলায়ন স্বামীৰ