নগাঁও, 14 মে' : অশ্লীল ফ'টো ছ'চিয়েল মিডিয়াত ভাইৰেল কৰাৰ ভাবুকিৰে প্ৰেমিকাক টকা দাবী কৰি আহিছে নগাঁৱৰ পানীগাঁও দুৰ্গাবস্তিৰ ফটিক দাস নামৰ এজন যুৱকে ৷ কিশোৰীগৰাকীৰ মাতৃৰ ভাষ্য অনুসৰি, বিয়াৰ প্ৰলোভনেৰে ১৬ বছৰীয়া কিশোৰীক ঘৰলৈ লৈ গৈ মোবাইলত অশ্লীল ফ'টো আৱদ্ধ কৰি টকাৰ দাবী কৰে যুৱকজনে ৷ ফ'টো ভাইৰেল হোৱাৰ ভয়ত টকা পইচাৰ লগতে কিশোৰীগৰাকীয়ে সোণৰ গহনা পৰ্যন্ত দি দিয়ে যুৱকজনক ৷ পৰৱৰ্তী সময়ত যুৱকজনে ফেচবুকত একাধিক ভুৱা একাউণ্ট খুলি কিশোৰীগৰাকীৰ ফ'টো ভাইৰেল কৰে । লগে লগে যুৱকীৰ পৰিয়ালে নগাঁৱৰ ইটাচালি আৰক্ষী চকীত উপস্থিত হৈ অভিযুক্তজনৰ বিৰুদ্ধে এজাহাৰ দাখিল কৰে ৷ সম্প্ৰতি পলায়ন কৰা যুৱকজনৰ সন্ধানত তীব্ৰ অভিযান আৰম্ভ কৰিছে ইটাচালি আৰক্ষীয়ে ।
লগতে পঢ়়ক: ভাৰতৰ ভিন্ন ৰাজ্যত COVID-19ৰ শেহতীয়া তথ্য
