নগাঁও, ২২ অক্টোবৰ: কৰ'ণা সৃষ্ট পৰিৱেশে এইবাৰ ম্লান পেলাইছে দুৰ্গা পূজাৰ আনন্দ-উলাহ। দীৰ্ঘদিন ধৰি অব্যাহত থকা লকডাউনে আৰ্থিকভাৱে জুৰুলা কৰিছে বহু পৰিয়ালক। সংকটৰ সময়ত দৰিদ্ৰ পৰিয়াললৈ সহায়ৰ হাত আগবঢ়াইছে নগাঁৱৰ হিন্দু মিলন মন্দিৰ পূজা সমিতিয়ে।
উত্সৱৰ বতৰত পূজা সমিতিখনে নগাঁও আৰু মৰিগাঁও জিলাৰ ১৫০০ৰো অধিক পৰিয়ালৰ মাজত বিনামূলীয়াকৈ কাপোৰ বিতৰণ কৰে। হিন্দু মিলন মন্দিৰ পূজা সমিতিৰ এই পদক্ষেপে হাঁহি বিৰিঙাইছে দৰিদ্ৰ পৰিয়ালসমূহৰ মুখত।
নগাঁও আৰু মৰিগাঁও জিলাৰ বিভিন্ন প্ৰান্তৰ দৰিদ্ৰ পৰিয়ালৰ মাজত নতুন কাপোৰ বিতৰণ কৰে পূজা সমিতিখনে। মৰিগাঁৱৰ ভূৰাগাওঁ, নগাঁৱৰ গড়াজানৰ লগতে নগাঁও চহৰতো বিতৰণ কৰিছে বিনামূলীয়া কাপোৰ।
লগতে পঢ়ক:বাক্সাত বিটিচি নিৰ্বাচনৰ ৰণডংকাঃ ইউপিপিএল প্ৰাৰ্থীৰ পদযাত্ৰা
