নগাঁও, 4 ছেপ্টেম্বৰ : মঙলবাৰে নগাঁৱৰ চামগুৰিত উপস্থিত হয় জল সম্পদ বিভাগৰ মন্ত্ৰী পীযুষ হাজৰিকা (Pijush Hazarika in Nagaon)। প্ৰথমে আমনিস্থিত SIRD উপস্থিত হয় মন্ত্ৰীগৰাকী । সংবাদ মাধ্যমৰ সৈতে হোৱা এক বাৰ্তালাপৰ জৰিয়তেই মন্ত্ৰীয়ে সমূহ অসমবাসীক মহা নৱমীৰ শুভেচ্ছা জ্ঞাপন কৰে ৷
উল্লেখ্য যে, আগন্তুক 8 তাৰিখে গুৱাহাটীত অনুষ্ঠিত হ’ব বিজেপিৰ এক বিশেষ কাৰ্যকৰ্তা সন্মিলন (BJP special workers meet to be held in Guwahati ) ৷ যাৰ বাবে কলিয়াবৰ সাংগঠনিক জিলাৰ প্ৰতিটো সমষ্টিৰ কাৰ্যকৰ্তাক নিমন্ত্ৰণ দিয়াৰ উদ্দেশ্যে চামগুৰিত উপস্থিত হয় মন্ত্ৰী পীযুষ হাজৰিকা ।
জল সম্পদ বিভাগৰ মন্ত্ৰী পীযুষ হাজৰিকাই উল্লেখ কৰা অনুসৰি, গুৱাহাটীত অনুষ্ঠিত হ’ব লগা উক্ত সন্মিলনত উপস্থিত থাকিব কেন্দ্ৰীয় সভাপতি জগত প্ৰকাশ নাড্ডা আৰু কেন্দ্ৰীয় গৃহমন্ত্ৰী অমিত শ্বাহ ৷
আনহাতে, সংবাদ মাধ্যমৰ সৈতে হোৱা সাক্ষাৎকাৰত সাংবাদিকে চামগুৰিৰ 37 নং ৰাষ্ট্ৰীয় ঘাইপথৰ পৰা বৰজুৰি সংযোগী বিধস্ত পথ সন্দৰ্ভত কৰা প্ৰশ্নৰ উত্তৰত এক দায়সৰা মন্তব্য প্ৰদান কৰে মন্ত্ৰীগৰাকীয়ে ৷ লগতে সেই বিষয়ে জ্ঞাত নহয় বুলিও মন্তব্য কৰে জল সম্পদ বিভাগৰ মন্ত্ৰীগৰাকীয়ে ৷
লগতে পঢ়ক : নৱমীতো পূজা মণ্ডপে মণ্ডপে মুখ্যমন্ত্রী হিমন্ত বিশ্ব শৰ্মা
