বঢ়মপুৰ, 4 জুন : নগাঁৱৰ কামপুৰত বৃহস্পতিবাৰে নিশা ষাঁড়গৰুৰ আক্ৰমণত এজন 40 বছৰৰ উৰ্ধৰ লোকে প্ৰাণ হেৰুৱায় ৷ ষাঁড়টোৰ আক্ৰমণত মৃত্যু হোৱা লোকজন তেঁতেলিসৰাৰ মণ্টু দাস বুলি জানিব পৰা গৈছে ৷
জানিব পৰা মতে, নিশাৰ ভাগত কাষৰে এঘৰৰ পৰা নিজ ঘৰলৈ গৈ থকা অৱস্থাত পিছফালৰ পৰা চোঁচা লৈ যাঁড়টোৱে মণ্টু দাসক খুন্দিয়াই বগৰাই দিয়ে । আহত মণ্টু দাসক ঘৰলৈ নি প্ৰাথমিক চিকিৎসা কৰোৱা হয় যদিও নিশা বিচনাতে প্ৰাণ ত্যাগ কৰে লোকজনে ৷
উল্লেখ্য যে, বিগত সময়তো ষাঁড়টোৰ আক্ৰমণৰ ফলত চিকিৎসাধীন হ’বলগীয়া হৈছিল বহুকেইজন লোক । বাঘ, হাতীৰ পাচতে এইবাৰ ষাঁড়গৰুৰ উপদ্ৰৱে বিপাঙত পেলাইছে কামপুৰবাসী ৰাইজক ৷
লগতে পঢ়ক : বেকাজানত বজাৰ গৃহতে চলিছে আৰক্ষী চকীৰ কাম-কাজ
