কলিয়াবৰ, 4 মে' : সোমবাৰৰ পৰা দেশত আৰম্ভ তৃতীয় পৰ্যায়ৰ লক্ ডাউন ৷ লক্ ডাউনৰ আৰম্ভণিৰ পৰা খাদ্য সংকটত ভোগা লোক সকলক সহায়ৰ হাত আগবঢ়াই আহিছে চৰকাৰ, প্ৰশাসন তথা হৃদয়বান লোকে ৷
কলিয়াবৰতো চৰকাৰী সাহায্যৰ পৰা বঞ্চিত হোৱা পৰিয়াল সমূহক সহায়ৰ হাত আগবঢ়াই আহিছে কলিয়াবৰৰ বিধায়ক তথা জলসম্পদ মন্ত্ৰী কেশৱ মহন্তই ৷
নগাঁও আৰু শোণিতপুৰ জিলাত কৰ'ণা ভাইৰাছ প্ৰতিৰোধৰ দায়িত্বত থকা মন্ত্ৰী গৰাকীয়ে কলিয়াবৰ মহকুমাৰ আমগুৰি পঞ্চায়তৰ পৰা আৰম্ভ কৰে সাহায্য বিতৰণ কাৰ্যসূচীৰ ৷
সোমবাৰে পুনৰবাৰ মাজ-পূৱথৰীয়া আৰু পূৱ-পূৱথৰীয়া পঞ্চায়তৰ কেইবাখনো গাঁৱৰ পৰিয়ালৰ মাজত মন্ত্ৰী গৰাকীয়ে বিতৰণ কৰে খাদ্য সামগ্ৰী ৷
উক্ত সামগ্ৰী বিতৰণ কাৰ্যসূচীত উপস্থিত থাকে কলিয়াবৰ মহকুমাৰ মহকুমাধিপতি বিতোপন নেওগ, আৰক্ষী বিষয়া মৃণ্ময় দাস তথা মহকুমাটোৰ পঞ্চায়ত প্ৰতিনিধিৰ বহুবোৰ সদস্য ৷
উল্লেখযোগ্য যে, ৰেচন কাৰ্ড নথকা পৰিয়ালৰ লগতে যি সমূহ পৰিয়ালে চৰকাৰী 1000 টকাৰ সাহায্য লাভ কৰা নাছিল সেই সমূহ পৰিয়ালৰ মাজত বিতৰণ কৰে এই সামগ্ৰী ৷ বৰ্তমানলৈ 123 খন গাঁৱৰ পৰিয়ালৰ মাজত বিতৰণ কৰিছে এই সামগ্ৰী ৷
লগতে পঢ়ক : তেজপুৰত আদৰণি এম্বুলেঞ্চত উদ্ধাৰ গাঞ্জা
