কলিয়াবৰৰ ৰাঙলুত ভয়ংকৰ পথ দুৰ্ঘটনা

কলিয়াবৰৰ ৰাঙলুৰ ৩৭ নং ৰাষ্ট্ৰীয় ঘাইপথৰ কাষৰ এটা দ-খাৱৈত নিয়ন্ত্ৰণ হেৰুৱাই বাগৰি পৰে এখন ট্ৰাক ৷ দুৰ্ঘটনাটোত গুৰুতৰভাৱে আহত 9 জনকৈ লোক ৷ আহত আটাইকেইজনকে চিকিৎসালয়লৈ প্ৰেৰণ কৰা হৈছে ৷

নগাঁও,13 ছেপ্তেম্বৰঃ কলিয়াবৰৰ ৰাঙলুত সংঘটিত হৈছে ভয়ংকৰ পথ দুৰ্ঘটনা ৷ নগাঁও অভিমুখে গৈ থকা এখন ট্ৰাকে নিয়ন্ত্ৰণ হেৰুৱাই ৰাঙলু ৩৭ নং ৰাষ্ট্ৰীয় ঘাইপথৰ কাষৰ এটা দ-খাৱৈত বাগৰি পৰে ৷ ট্ৰাকখনৰ চালকে জানিব দিয়া অনুসৰি ট্ৰাকখনত আমগুৰিৰ পৰা 12 জন শ্ৰমিক লংকা অভিমুখে গৈ আছিল ৷

ঘটনাস্থলীত জখলাবন্ধা আৰক্ষী উপস্থিত হৈ 10 জন লোকক উদ্ধাৰ কৰে যদিও 2 জনৰ সন্ধান লাভ কৰিবলৈ সক্ষম হোৱা নাই ৷ আহত আটাইকেইজনকে অতি সংকটজনক অৱস্থাত জখলাবন্ধা চিকিৎসালয়ত ভৰ্তি কৰোৱা হৈছে ৷

লগতে পঢ়ক-একাঁঠু বোকা-পানীৰে পৰিপূৰ্ণ টিংখাঙৰ এটা পথ