কলিয়াবৰ,1 জুন: ৰাজ্যজুৰি ক’ভিড-১৯ ৰ সংহাৰী ৰূপ ধাৰণ ৷ ক’ভিড পৰিস্থিতি উন্নত হ'বৰ বাবে চৰকাৰ-প্ৰশাসনে মিনি লক ডাউন জাৰি কৰিছে ৷ এনেক্ষেত্ৰত আৰ্থিকভাৱে দুৰ্বল পৰিয়ালৰ ব্যক্তিসকল চলিবলৈ যথেষ্ট অসুবিধাৰ সন্মুখীন হৈছে । কলিয়াবৰতো বহু আৰ্থিকভাৱে দুৰ্বল পৰিয়াল এনে পৰিস্থিতিত বিপদত পৰিছে । সেয়েহে এই আৰ্থিকভাৱে দুৰ্বল লোকসকলক সহায়ৰ বাবে আগবাঢ়ি আহিছে কলিয়াবৰ প্ৰেছ ক্লাব ।
উল্লেখ্য যে, কলিয়াবৰ প্ৰেছ ক্লাবৰ সমূহ সাংবাদিক একত্ৰিত হৈ আৰ্তজনক সহায় কৰাৰ উদ্দেশ্যে খাদ্য সামগ্ৰীৰ টোপোলা প্ৰদানৰ পদক্ষেপ হাতত লৈছে । এই পৰ্যন্ত ভালেকেইটা পৰিয়ালক খাদ্য বিতৰণ কৰিছে সংবাদকৰ্মীসকলে । উল্লেখ্য যে, মঙলবাৰে শাগমুটিয়া চাহ বাগিচাৰ ৬০ টা পৰিয়ালৰ মাজত খাদ্য সামগ্ৰীৰ টোপোলা প্ৰদান কৰিবলৈ ইতিমধ্যে যাৱতীয় ব্যৱস্থা হাতত লৈছে ক্লাবৰ সদস্যসকলে ।
লগতে পঢ়ক : ৰাজ্যত শীঘ্ৰে নিযুক্তি দিয়া হ’ব 450 জন চিকিৎসক
