আই পি এলৰ নামত জুৱাঃ নগাঁৱত আটক এজন

বুধবাৰে নিশা নগাঁও আৰক্ষীৰ অভিযানত হয়বৰগাঁও শান্তিপুৰৰ পৰা আই পি এলৰ নামত চলি থকা জুৱাৰ এটা বৃহৎ ঘাটি উৎখাত কৰা হয় ৷ আই পি এলৰ খেল চলি থকাৰ সময়তে চলোৱা অভিযানত আৰক্ষীয়ে জুৱাত জড়িত এজন যুৱকক আটক কৰাৰ লগতে নগদ 1 লাখ 24 হাজাৰ টকা, ম'বাইল ফোন জব্দ কৰে ৷

নগাঁও , 09 মে' : ৰাজ্যৰ বিভিন্ন ঠাইৰ লগতে নগাঁও জিলাৰো বিভিন্ন প্ৰান্তত চলি আছে আই পি এলৰ নামত জুৱা ৷ বুধবাৰে নিশা নগাঁও আৰক্ষীৰ অভিযানত হয়বৰগাঁও শান্তিপুৰৰ পৰা আই পি এলৰ নামত চলি থকা জুৱাৰ এটা বৃহৎ ঘাটি উৎখাত কৰা হয় ৷ নগাঁও আৰক্ষীয়ে নগাঁৱৰ হয়বৰগাঁৱৰ শান্তিপুৰত অভিযান চলাই আই পি এলৰ এই বৃহৎ ঘাটি উৎখাত কৰে ৷

আই পি এলৰ খেল চলি থকাৰ সময়তে চলোৱা অভিযানত আৰক্ষীয়ে জুৱাত জড়িত এজন যুৱকক আটক কৰাৰ লগতে নগদ 1 লাখ 24 হাজাৰ টকা, ম'বাইল ফোন জব্দ কৰে ৷

লগতে পঢ়ক আই পি এলৰ পৰা বাহিৰ ছানৰাইজাৰ্ছ হায়দৰাবাদ

শান্তিপুৰৰ গোপাল সূত্ৰধৰ নামৰ লোক এজনৰ বাসগৃহত চলি থকা জুৱাৰ ঘাটিৰ পৰা বিজু ঘোষ নামৰ যুৱকজনক আৰক্ষীয়ে আটক কৰে যদিও আন দুজন লোক পলাই সাৰিবলৈ সক্ষম হয় ৷ উল্লেখ্য যে আই পি এলৰ নামত জুৱাত জড়িত হৈ ইতিমধ্যে বহু লোক সৰ্বস্বন্ত হৈছে ৷ বিশেষ সূত্ৰে জানিব পৰা মতে বহু ঠাইত একাংশ দুষ্ট চক্ৰই কাউণ্টাৰ বহাই আই পি এলৰ নামত লাখ লাখ টকাৰ জুৱা চলাই আছে ৷