নগাঁও, ২৩ মাৰ্চ: বিদ্যুৎ বিভাগৰ গাফিলতিৰ বাবেই বৰো ধানৰ খেতিত মেলিছে ছিঁৰাল ফাঁট ৷ চৰকাৰৰ আঁচনি লাভ কৰিও উপকৃত হ'ব পৰা নাই ৰাজ্যৰ কৃষক সকল ৷ নগাঁৱৰ কঠিয়াতলী গৰুবন্ধা মিকিৰগাঁৱৰ কৃষকৰ এতিয়া নাজল-নাথল অৱস্থা (Farmers facing problems in Barhampur) ।
পানীৰ অভাৱত পথাৰতে বৰো ধানৰ খেতিত মেলিছে ছিঁৰাল ফাঁট ৷ বৰো ধানৰ খেতি কৰিবলৈ ৰাজ্যৰ কৃষক সকলক চৰকাৰী ভাৱে পানীৰ পাম্পৰ যোগান ধৰিছে যদিও বিদ্যুৎ বিভাগৰ গাফিলতিৰ বাবে কৃষক সকলে মূৰে কপাঁলে হাত দিব লগা হৈছে ৷
বিদ্যুতৰ ভল্টেজ নথকাৰ বাবে কৃষকে পানীৰ অভাৱত নেদেখাজনলৈ অপেক্ষা কৰিব লগা হৈছে (Water pump does not work)৷ ফলত খেতি পথাৰৰ বিলৈ দেখি সেমকি উঠিছে কৃষকৰ চকু ৷ যেনিয়ে চোৱা যায়, কেৱল ছিঁৰাল ফাঁট ৷ দূৰ্ভগীয়া কৃষক সকলৰ দাবী, শীঘ্ৰে চৰকাৰে বিদ্যুতৰ টেঞ্চফৰ্মাৰ এটা ব্যৱস্থা কৰি পথাৰৰ পানী যোগান সূচল কৰি দিয়ক ৷
লগতে পঢ়ক: মূল্যবৃদ্ধিৰ প্ৰসংগত পুনৰ বিধায়ক প্ৰশান্ত ফুকনৰ যুক্তি
