নগাঁও, 23 মে': অপৰাধীৰ বিৰুদ্ধে কঠোৰ হৈ পৰিছে নগাঁও আৰক্ষী । এইবাৰ নগাঁও আৰক্ষীৰ জালত নকল সোণ ব্যৱসায়ী । নগাঁও আৰক্ষীয়ে অভিযান চলাই জব্দ কৰিলে সন্দেহজনক নকল সোণৰ নাও আৰু ব্ৰাউন চুগাৰ ।
অপৰাধীৰ বিৰুদ্ধে নগাঁও আৰক্ষীয়ে ধাৰাবাহিক অভিযান অব্যাহত ৰাখিছে ৷ অপৰাধ নিয়ন্ত্ৰণৰ বাবে নগাঁও আৰক্ষীয়ে গঠন কৰি দিয়া বিশেষ দলে অভিযান চলাই নকল সোণৰ ব্যৱসায়ীক আটক কৰাৰ লগতে জব্দ কৰিবলৈ সক্ষম হয় নকল সোণৰ নাও আৰু ব্ৰাউন চুগাৰ ৷
দেওবাৰে পুৱা আৰক্ষীৰ দলটোৱে নগাঁও চহৰৰ ভূঞাপট্টিত অভিযান চলাই দীপাংকৰ দাস নামৰ লোকজনৰ ঘৰৰ পৰা নকল সোণৰ এখন নাও জব্দ কৰাৰ লগতে ব্ৰাউন চুগাৰো জব্দ কৰিবলৈ সক্ষম হয় । বিভিন্নজনক প্ৰৱঞ্চনা কৰি নকল সোণৰ ব্যৱসায় চলাই অহা দীপাংকৰ দাসক কৰায়ত্ব কৰাৰ লগতে আৰক্ষীৰ দলটোৱে দীপাংকৰ দাসৰ পৰা নগদ ১৪ হাজাৰ জব্দ কৰিবলৈ সক্ষম হয় ।
লগতে পঢ়ক: অপহৰণৰ 30 দিন : ৰিতুল শইকীয়াৰ মুখেৰে সবিশেষ বৰ্ণনা
