চামগুৰি, 23 মে': সম্প্ৰতি ৰাজ্যৰ সৰ্বত্ৰে চৰ্চিত আৰক্ষী অধীক্ষক আনন্দ মিশ্ৰৰ দক্ষতা ৷ নগাঁও জিলাৰ আৰক্ষী অধীক্ষক ৰূপে মিশ্ৰই যোগদান কৰাৰ পাচতে নিদ্ৰাহৰণ হৈছে অপৰাধ জগতৰ লগত জড়িত লোকসকলৰ ৷ জিলাখনৰ কাৰ্যভাৰ গ্ৰহণ কৰিয়েই সক্ৰিয় হৈ পৰিছে আৰক্ষী বিষয়াগৰাকী ৷ নগাঁও জিলাৰ নৱনিযুক্ত আৰক্ষী অধীক্ষক আনন্দ মিশ্ৰৰ যোগদানৰ পাচতেই ড্ৰাগছ মাফিয়াৰ বিৰুদ্ধে তৎপৰ হৈ উঠিছে সমগ্ৰ নগাঁও জিলাৰ আৰক্ষী ৷
জিলাখনক অপৰাধমুক্ত কৰাৰ উদ্দেশ্যে কিছুসংখ্যক দক্ষ আৰক্ষীৰ সহযোগত বিষয়াগৰাকীয়ে গঠন কৰিছে আৰক্ষীৰ বিশেষ দল ৷ দেওবাৰে বটদ্ৰৱাৰ কুবাইকটাত আৰক্ষীৰ দলে ড্ৰাগছৰ বিৰুদ্ধে অতৰ্কিতে অভিযান চলায় ৷ বটদ্ৰৱা আৰক্ষী থানাৰ ভাৰপ্ৰাপ্ত বিষয়াৰ নেতৃত্বত চলা অভিযানত কুবাইকটাৰ পৰা নগদ ধন আৰু ড্ৰাগছসহ এজন ড্ৰাগছ সৰবৰাহকাৰীক আৰক্ষীয়ে আটক কৰিবলৈ সক্ষম হয় ৷ ধৃত সৰবৰাহকাৰীজন কোৱাইকটাৰ ৰফিকুল ইছলাম বুলি জানিব পৰা গৈছে ।
লগতে পঢ়ক: টিংখাঙত চেনিটাইজেশ্যন কৰিলে জিলা প্ৰশাসনে
