নগাঁও, 6 জানুৱাৰী : নগাঁৱত আকৌ এবাৰৰ বাবে সংঘটিত হৈছে হৈছে আৰক্ষীৰ এনকাউণ্টাৰ (Encounter at Nagaon) ৰ ঘটনা । ড্ৰাগছৰ বিৰুদ্ধে ধাৰাবাহিক অভিযান অব্যাহত ৰখা নগাঁও আৰক্ষীয়ে পুনৰ গুলীয়াই আহত (Drugs mafia injured by police encounter) কৰিলে ৰূপহীহাটৰ এটা ড্ৰাগছ মাফিয়াক । ৰূপহীহাটৰ শিঙিমাৰীত সংঘটিত হৈছে এই ঘটনা ৷
আৰক্ষীৰ এটা দলে কুখ্যাত ড্ৰাগছ মাফিয়া জাহাংগীৰ আলমৰ বাসগৃহত অভিযান চলাইছিল বুধবাৰে নিশা । এই অভিযান চলোৱাৰ সময়তে আৰক্ষীক ড্ৰাগছ মাফিয়া আশ্বাদুল ইছলাম ওৰফে জাহাংগীৰ আলমে আক্ৰমণ কৰি পলায়নৰ চেষ্টা চলায় । উপায়ন্তৰ হৈ আৰক্ষীয়ে জাহাংগীৰ আলমক লক্ষ্য কৰি গুলীচালনা কৰে ৷ আৰক্ষীৰ গুলীত আঘাতপ্ৰাপ্ত হয় ড্ৰাগছ মাফিয়া জাহাংগীৰ ৷
এই অভিযানত ৩ টা বাকচ ভৰ্তি নিচাযুক্ত হেৰ’ইন জব্দ কৰিছে আৰক্ষীৰ দলটোৱে । তদুপৰি এগৰাকী মহিলাকো আৰক্ষীয়ে ঘটনা সন্দৰ্ভত আটক কৰিছে ৷ আটকাধীন মহিলাগৰাকীৰ নাম ৰৌচন বিবি বুলি জানিব পৰা গৈছে ৷ ৰৌচন বিবি নামৰ মহিলাগৰাকীয়ে ড্ৰাগছ কিনিবলৈ উপস্থিত হৈছিল ড্ৰাগছ মাফিয়া জাহাংগীৰৰ বাসগৃহত ৷
উল্লেখ্য যে, ড্ৰাগছ ক্ৰয় কৰা অৱস্থাতে আৰক্ষীয়ে আটক কৰে মহিলাগৰাকীক । গুলীবিদ্ধ ড্ৰাগছ মাফিয়াজন সম্প্ৰতি নগাঁও ভোগেশ্বৰী ফুকননী অসামৰিক চিকিৎসালয়ত চিকিৎসাধীন (Drugs Mafia admitted at Nagaon civil Hospital) হৈ আছে ৷
লগতে চাওক: Anti drugs mission in Darrang : দৰং আৰক্ষীয়ে জব্দ কৰিলে 2.10 কিল’গ্ৰাম গাঞ্জা
