কলিয়াবৰ, 28 এপ্ৰিলঃ কলিয়াবৰত প্ৰয়াত ছাত্ৰ নেতা অভিজিত শইকীয়ালৈ গভীৰ শ্ৰদ্ধা নিবেদন ৷ কলিয়াবৰ কেন্দ্ৰীয় ছাত্ৰ সন্থাৰ উদ্যোগত অনুষ্ঠিত হয় শ্ৰদ্ধাঞ্জলি অনুষ্ঠানৰ ৷
লক ডাউনৰ সময়ত সাহাৰ্য বিতৰণ কৰিবলৈ গৈ দুৰ্ভাগ্যজনকভাৱে মৃত্যুক আঁকোৱালি লোৱা সদৌ অসম ছাত্ৰ সন্থাৰ পাভৈ আঞ্চলিক ছাত্ৰ সন্থাৰ সভাপতি অভিজিত শইকীয়ালৈ শ্ৰদ্ধাঞ্জলি অনুষ্ঠান ৷ উল্লেখ্য যে,যোৱা ২৫ এপ্ৰিল তাৰিখে লক ডাউনৰ সময়ত সাহাৰ্য বিলাবলৈ গৈ উভতি অহাৰ সময়ত দুৰ্ঘটনাত পতিত হয় ৷ ততালিকে গুৱাহাটীৰ জিএনআৰচি চিকিৎসালয়ত ভৰ্তি কৰিছিল ছাত্ৰ নেতা গৰাকীক ৷ গুৰুতৰভাৱে আহত হোৱা ছাত্ৰ নেতাগৰাকী চিকিৎসাধীন অৱস্থাতে মৃত্যু মুখত পৰে ৷ ইতিমধ্যে এই ঘটনাক লৈ সমগ্ৰ অসমতে গভীৰ শ্ৰদ্ধাঞ্জলি জ্ঞাপন কৰে ছাত্ৰ সন্থাৰ শাখাসমূহে । কলিয়াবৰ কেন্দ্ৰীয় ছাত্ৰ সন্থাৰ উদ্যোগতো প্ৰয়াত ছাত্ৰ নেতা অভিজিত শইকীয়ালৈ গভীৰ শ্ৰদ্ধা নিবেদন কৰে । উক্ত অনুষ্ঠানত কলিয়াবৰ ছাত্ৰ সন্থাৰ বিষয়ববীয়া সকলৰ লগতে সদস্য সকলে গভীৰ শ্ৰদ্ধাঞ্জলি জ্ঞাপন কৰাৰ লগতে শোক প্ৰকাশ কৰে ।
লগতে পঢ়ক- ধেমাজিত মীন পালকৰ হাহাকাৰ
