চামগুৰি, 12 জুন : নগাঁৱত ক’ভিড সেৱা কেন্দ্ৰ(Covid Care Centre)ৰ সদস্যসকলৰ প্ৰশংসনীয় পদক্ষেপ । শুকুৰবাৰে সাংসদ প্ৰদ্যুৎ বৰদলৈ আৰু ক’ভিড সেৱা কেন্দ্ৰ(Covid Care Centre) নগাঁৱৰ সদস্যসকল লগ হৈ নগাঁও চহৰৰ হয়বৰগাঁও বজাৰত উপস্থিত হয় । বজাৰত উপস্থিত হৈ সাংসদগৰাকীয়ে ব্যৱসায়িক এলেকাত মাইকযোগে ক’ভিডৰ ভয়াৱহতাৰ বিষয়ে অৱগত কৰাৰ লগতে সকলোকে সজাগ হৈ ক’ভিড প্ৰ'টকল(Covid Protocol) মানি চলিবলৈ আহ্বান জনায় ।
ইয়াৰ পাছতে তেওঁ হয়বৰগাঁও বজাৰৰ ব্যৱসায়ী, ঠেলা চালক, ৰিক্সা চালক, শাক পাচলিৰ ক্ষুদ্ৰ ব্যৱসায়ীসকলৰ মাজত মাস্ক, চেনিটাইজাৰ, ফেচশ্বীল্ড ইত্যাদি বিতৰণ কৰে । ইয়াৰোপৰি সাংসদ গৰাকীয়ে বিশেষভাৱে সক্ষম লোকক মাস্ক পিন্ধাই নিজৰ মহানুভৱতাৰ পৰিচয় দিয়ে । উল্লেখ্য যে, জিলাখনত ক’ভিড সেৱা কেন্দ্ৰসমূহে ৰোগীক প্ৰয়োজনীয় ঔষধ পাতি যোগান ধৰাৰ লগতে বিভিন্ন ধৰণে ক’ভিড ৰোগীসকলক সহায় কৰি আহিছে ।
লগতে পঢ়ক : ক'ভিডৰ ভয়াবহ পৰিৱেশত স্থবিৰ বিচাৰ প্ৰক্ৰিয়া
