বঢ়মপুৰ, 17 জুন : অপৰাধীক ৰক্ষণাবেক্ষণ দিয়াৰ অভিযোগ উত্থাপন কৰি এগৰাকী আৰক্ষী উপ-পৰিদৰ্শকৰ বিৰুদ্ধে আৰক্ষী অধীক্ষকৰ কাৰ্যালয়ত গোচৰ দুই মহিলাৰ ৷ নগাঁও জিলাৰ কচুৱা থানাৰ অন্তৰ্গত লাউপানী উপ-পহৰা চকীৰ উপ পৰিদৰ্শক শশী বৰাৰ বিৰুদ্ধে এই অভিযোগ মহিলা দুগৰাকীৰ ৷ ইয়াৰে, এগৰাকী মহিলাই স্বামী পৰিয়ালৰ বিৰুদ্ধে নিৰ্যাতনৰ অভিযোগ উত্থাপন কৰিছিল যদিও আৰক্ষীয়ে অপৰাধীক ৰক্ষনাবেক্ষণ দিয়া বুলিহে উল্লেখ কৰে ৷
আনহাতে, এটা কোঠালীৰ ভিতৰত মহিলাগৰাকী আৰু তেওঁৰ সন্তানক কেৰাচিন ঢালি হত্যা কৰাৰ চেষ্টা কৰোঁতে ঘটনাস্থলীত কচুৱা থানাৰ আৰক্ষী উপস্থিত হৈছিল যদিও আৰক্ষীয়ে অপৰাধীক কৰায়ত্ত নকৰি অপৰাধীক জামিনত দিয়াৰ অভিযোগ কৰিছে মহিলাগৰাকীয়ে | ইফালে, আন এগৰাকী মহিলাই কচুৱা থানাত ৰুজু কৰা গোচৰৰ তদন্ত নকৰাৰ অভিযোগ উত্থাপন কৰে আৰক্ষীৰ উপ-পৰিদৰ্শকগৰাকীৰ বিৰুদ্ধে ৷ সেয়েহে, কচুৱা থানাৰ উপ-পৰিদৰ্শক শশী বৰাৰ বিৰুদ্ধে আৰক্ষী অধীক্ষকৰ ওচৰত গোচৰ ৰুজু কৰে মহিলা দুগৰাকীয়ে ৷
