বটদ্ৰৱা,15 এপ্ৰিলঃ শান্তি-সম্প্ৰীতিৰ বাৰ্তাৰে ৰাজ্যজুৰি ৰঙালী বিহু উদযাপন কৰাৰ সময়তেই বটদ্ৰৱাত দুই ফৈদৰ মাজত সংঘৰ্ষ ৷ পথচাৰী এজনক বাইকে খুন্দিওৱাক কেন্দ্ৰ কৰি বালিসত্ৰ অৰ্ধ সাপ্তাহিক বজাৰত দুই ফৈদৰ মাজত সৃষ্টি হয় প্ৰচণ্ড মাৰপিট । ঘটনাটোকলৈ বাক-বিতণ্ডাৰ পিছত সৃষ্টি হয় দুই ফৈদৰ মাজত মাৰপিট ৷ মাৰপিটত গুৰুতৰ ভাৱে আহত ৰাজু আহমেদ নামৰ এজন যুৱক । নাকৰ পৰা অধিক ৰক্তক্ষৰণ হোৱাত সংকটজনক অৱস্থাত ৰাজুক চিকিৎসালয়লৈ প্রেৰণ কৰা হয় । পাচত ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷
ৰঙালীৰ আনন্দৰ মাজতেই বটদ্ৰৱাত দুই ফৈদৰ মাজত প্ৰচণ্ড মাৰপিট
