চামগুৰি,6 জুন: নগাঁও সদৰ থানাৰ অধীনষ্ঠ হয়বৰগাঁও আৰক্ষী চকীৰ অন্তৰ্গত কাতিমাৰিত এটা চোৰক জাৰ্চী গৰুসহ আটক কৰিলে আৰক্ষীয়ে । কাতিমাৰি অঞ্চলত গাঁওৰক্ষী বাহিনীৰ এটা দলে কৰ্তব্যৰত অৱস্থাত থাকোতেই চোৰটোক আটক কৰিবলৈ সক্ষম হয় বুলি সূত্ৰই জনায় । ইফালে, ধৃত চোৰটো নগাঁও চহৰৰ চিনাপট্টী আজাত নগৰৰ জিয়াৰুল ইছলাম বুলি জানিব পৰা গৈছে ।
ঘটনা সংক্ৰান্তত হয়বৰগাঁও আৰক্ষীক খবৰ দিয়াত আৰক্ষী ঘটনাস্থলীত উপস্থিত হৈ ধৃত চোৰটোক কৰায়ত্ত কৰি গৰুসহ থানালৈ নিয়ে । ঘটনা সন্দৰ্ভত আৰক্ষীয়ে তদন্ত আৰম্ভ কৰিছে । উল্লেখযোগ্য যে, বিগত সময়চোৱাত কাতিমাৰিত গ্ৰাণ্ট গাঁওৰক্ষী বাহিনী অধিক সক্ৰিয় হৈ থকা দেখিবলৈ পোৱা গৈছিল ।
লগতে পঢ়ক: বিহালীত বিশ্ব পৰিৱেশ দিৱস পালন
