চামগুৰি,25 মে’: ভাৰতীয় জনতা যুৱ মৰ্চাৰ সভাপতি সুন্দৰ শৰ্মাৰ নেতৃত্বত নগাঁৱৰ গোঁসাইগাঁৱত ক’ভিডৰ পৰা সুস্থ হোৱা লোকসকলৰ ঘৰৰ লগতে বহুকেইটা গুৰুত্বপূৰ্ণ স্থানত চেনিটাইজ কৰে মৰ্চাৰ সদস্যসকলে ৷ ক’ভিডৰ পৰা আৰোগ্য লাভ কৰা লোকসকল যাতে পুনৰ সংক্ৰমিত নহয়, তাৰ বাবে অঞ্চলটোত এই পদক্ষেপ গ্ৰহণ কৰিছে ভাৰতীয় জনতা যুৱ মৰ্চাই ৷
বঢ়মপুৰৰ গোঁসাইগাঁৱত ভাৰতীয় জনতা যুৱ মৰ্চাৰ নগাঁও জিলা সমিতিয়ে পিপিই কীট পৰিধান কৰি শেহতীয়াকৈ গাঁৱখনত ক’ভিডৰ সংক্ৰমণৰ পৰা মুক্ত হোৱা লোকসকলৰ ঘৰ, আচবাব, গাড়ী, চৌহদ আদি চেনিটাইজ কৰে ৷
উল্লেখ্য যে, গাঁৱখনৰ 8 গৰাকীকৈ ক’ভিডত আক্ৰান্ত লোক অৱশেষত ক’ভিড মুক্ত হয় আৰু ইয়াৰ ভিতৰত 5 গৰাকী আছিল একেখন ঘৰৰ । ইফালে বিগত এসপ্তাহ ধৰি যুৱ মৰ্চাৰ সদস্যসকলে বঢ়মপুৰৰ বিভিন্ন ঠাইৰ লগতে জিলাখনৰ বহু অঞ্চলত সুস্থ হোৱা ক’ভিড ৰোগীসকলৰ বাসগৃহলৈ গৈ সকলো আচবাব, গাড়ী, চৌহদ আদি সম্পূৰ্ণৰূপে চেনিটাইজ কৰে ৷
লগতে পঢ়ক : অন্ধকাৰৰ সুযোগ গ্ৰহণ দুৰ্বৃত্তৰ: কাটি তহিলং কৰিলে গছ
