নগাঁও,9 ফেব্ৰুৱাৰীঃ সোমবাৰে নগাঁৱৰ বটদ্ৰৱাত নিৰ্বাচনী ৰণশিঙা বজালে এআইইউডিএফ প্ৰধান বদৰ উদ্দিন আজমলে । বটদ্ৰৱাৰ পৰা বিজেপিক উৎখাত কৰাৰ লক্ষ্যৰে সমষ্টিটোত কংগ্ৰেছ এআইইউডিএফে আৰম্ভ কৰিছে ব্যাপক প্ৰচাৰ ।
আজমলৰ উপস্থিতিত দিহা নাম আৰু জিকিৰ জাৰি পৰিবেশনেৰে সোমবাৰে অনুষ্ঠিত হ’ল এআইইউডিএফৰ বিশাল সভা । প্ৰথমবাৰৰ বাবে দিহানাম পৰিবেশনেৰে আৰম্ভ কৰা সভাত বিজেপিৰ বিৰুদ্ধে উদাত্ত ভাষণ প্ৰদান কৰিলে বদৰুদ্দিন আজমলে । সভাত দলীয় নেতা কৰ্মীয়ে বদৰুদ্দিন আজমলৰ লগতে শ্ৰীমন্ত শংকৰদেৱ ধ্বনি দিয়া পৰিলক্ষিত হয় ।
সভাত ভাগ লৈ এআইইউডিএফে কংগ্ৰেছৰ সৈতে হোৱা মহাজোঁট বন্ধনত এতিয়াও আসনৰ বুজাবুজি হোৱা নাই বুলি উল্লেখ কৰি বদৰুদ্দিন আজমলৰ দাবী আগন্তক নিৰ্বাচনত বিজেপিয়ে ৰাজ্যত মাত্ৰ ৩৫ খনহে আসন লাভ কৰিব । বটদ্ৰৱাৰ ধূপগুৰিত আয়োজিত এআইইউডিএফৰ এই গণ সমাবেশত অংশগ্ৰহণ কৰি বটদ্ৰৱা সমষ্টিটোৰ পৰা এআইইউডিএফৰ প্ৰাৰ্থী দিয়াৰ ইংগিতকেই দিলে বদৰুদ্দিন আজমলে। এনে পৰিপেক্ষিতত কংগ্ৰেছে কেনে প্ৰতিক্ৰিয়া প্ৰকাশ কৰে সেইয়া হ’ব লক্ষণীয় ৷
লগতে পঢ়কঃ নগাঁৱত ধূলিৰ বিৰুদ্ধে পথ অৱৰোধ কৰি ছাত্ৰ-ছাত্ৰীৰ উত্তাল প্ৰতিবাদ
