ধিং, ২১ ফেব্ৰুৱাৰী: সদৌ অসম শিক্ষা মিত্র সন্থাৰ প্ৰাক্তন সভাপতি তথা বৰ্তমানৰ সদৌ অসম শিক্ষা মিত্র টেট শিক্ষক সন্থাৰ মুখ্য উপদেষ্টা, লাহৰিঘাট অঞ্চলৰ সমাজসেৱক, শিক্ষক মাইনুল হক চৌধুৰীক সন্মান ৰাজ্যিক সামাজিক ন্যায় আয়োগৰ । শনিবাৰে গুৱাহাটী চায়েন্স মিউজিয়াম অডিটৰিয়ামত ২০২১ বৰ্ষৰ নাগৰিকত্ব শান্তি বঁটা প্রদান কৰে ।
উল্লেখ্য যে, শিক্ষক মাইনুল হক চৌধুৰীয়ে শিক্ষকতাৰ দৰে গুৰু দায়িত্ব পালন কৰাৰ উপৰিও সামাজিক কাম-কাজৰ লগত ওতঃপ্রোতভাৱে জড়িত । ইয়াৰ বাবে বিভিন্ন সময়ত চৰকাৰী-বেচৰকাৰী সংস্থাৰ পৰা লাভ কৰি আহিছে বঁটা । ২০১৫ চনত গুৱাহাটী হাইটেক মহাবিদ্যালয়ৰ পৰা হাই টেক লিডাৰশ্বিপ বঁটা , ২০১৬ চনত দিল্লী এন আই চিৰ পৰা গল্ডেন চিটিজেন অফ ইণ্ডিয়া এৱাৰ্ড ফৰ আউটষ্টেণ্ডিং এচিভমেন্ট, নিউজ-৩০ বাতৰি কাকতৰ পৰা প্ৰদান কৰে এক্সচেলেন্ট প্ৰাইমাৰী শিক্ষক এৱাৰ্ডৰ উপৰিও ১৯১৯ চনত ৰাজ্যিক সামাজিক ন্যায় আয়োগৰ পৰা চৌধুৰীয়ে মহাত্মা গান্ধী ৰাষ্ট্ৰীয় বঁটা লাভ কৰিবলৈ সক্ষম হৈছিল ।
শনিবাৰেও ৰাজ্যিক সামাজিক ন্যায় আয়োগৰ পৰা নাগৰিকত্ব শান্তি বঁটা লাভ কৰি লাহৰিঘাট অঞ্চললৈ এক গৌৰৱ কঢ়িয়াই আনে । শিক্ষক মাইনুল হক চৌধুৰীৰ এই বঁটা লাভ কৰাত এতিয়া পৰিয়ালৰ লগতে সমগ্ৰ অঞ্চলবাসী আনন্দত উৎফুল্লিত হৈ পৰিছে ।
লগতে পঢ়ক:ৰূপহীহাটত কিশোৰীক দলবদ্ধ ধৰ্ষণ
