নগাঁও, 20 নৱেম্বৰঃ নগাঁৱৰ লাচিতপুৰত বৃহস্পতিবাৰে নিশা সংঘটিত হয় এক চাঞ্চল্যকৰ ঘটনা । গাঁৱত আয়োজন কৰা এখন বিয়াৰ বাবে জেতুকা আনিবলৈ যোৱাৰ পৰত জাবেদ অখতাৰ নামৰ এজন যুৱকক চুৰিৰে হত্য়াৰ অপচেষ্টা চলায় লাচিতপুৰৰ আন এজন যুৱকে ।
প্ৰাপ্ত তথ্য অনুসৰি জেতুকা আনিবলৈ যোৱাৰ পৰত যুৱক জনৰ সৈতে বাক বিতণ্ডাত লিপ্ত হয় জাবেদ অখতাৰ ৷ তেঁওলোকৰ বাক যুদ্ধ এনে পৰ্য্য়ায় পায় যে কথা কটাকটিৰ মাজতে জাবেদ অখতাৰক চোকা চুৰিৰে আক্ৰমণ কৰে যুৱক জনে ৷ যুৱক জনৰ চুৰি আক্ৰমণত বেয়াকৈ আঘাট প্ৰাপ্ত হয় জাবেদ অখতাৰ ৷
স্থানীয় লোকে জানিবলৈ দিয়া অনুসৰি এই ঘটনা সন্দৰ্ভত অনুসন্ধান অব্যাহত ৰাখিছে মৰিকলং আৰক্ষীয়ে ।
লগতে পঢ়কঃখানাপাৰাত বৃহৎ পৰিমাণৰ নিচাযুক্ত সামগ্ৰীসহ তিনি সৰবৰাহকাৰী গ্ৰেপ্তাৰ
