ৰূপহীহাটত আৰক্ষীৰ উৎখাত জুৱাৰ ঘাটি

উল্লেখ্য যে আৰক্ষীয়ে এই অভিযানত ৫ জন জুৱাৰী আটক কৰিবলৈ সক্ষম হয় |

ৰূপহীহাট, 19 মেঃ ৰূপহীহাটত শনিবাৰে নিশা জুৱাৰ বিৰুদ্ধে অভিযান চলাই কলিয়াবৰ আৰক্ষীয়ে ৷ মহকুমা আৰক্ষী বিষয়া মৃন্ময় দাসৰ নেতৃত্বত চলা এই অভিযানত জুৱাৰ ঘাটি উৎখাত কৰাৰ লগতে কেবাজনো জুৱাৰীক আটক কৰে আৰক্ষীয়ে ৷

উল্লেখ্য যে আৰক্ষীয়ে এই অভিযানত ৫ জন জুৱাৰী আটক কৰিবলৈ সক্ষম হয় | জুৱাৰী কেইজন ক্ৰমে নিজাম উদ্দিন, আব্দুল খালেক, ইছলাম উদ্দিন, মোক্তাৰ হুছেইন আৰু শ্বাশংকৰ ৰয় | জুৱাৰী কেইজনৰ পৰা জুৱাৰ বহু নথি-পত্ৰ উদ্ধাৰ কৰে আৰক্ষীয়ে ৷