কলিয়াবৰত পথাৰতে বিদ্যুৎস্পৃষ্ট হৈ মৃত্য়ু মহিলাৰ

কলিয়াবৰত বিদ্যুৎস্পৃষ্ট হৈ মহিলাৰ মৃত্যু । পথাৰত ছাগলী এৰাল দিবলৈ গৈছিল নিহত মহিলা গৰাকী । মৰাপাটৰ খেতিত লগাই থৈছিল বিদ্যুতৰ তাঁৰ ।

কলিয়াবৰ, ১৫ জুনঃ কলিয়াবৰ ২ নং বিহডুবি গাঁৱত বিদ্যুৎস্পৃষ্ট হৈ এগৰাকী মহিলাৰ মৃত‍্যু হয়। নিহত মহিলা গৰাকীৰ নাম জানকী ৰাজভৰ বুলি চিনাক্ত ।

মৰাপাট খেতিত লগাই থোৱা বৈদ্যুতিক তাঁৰত লাগি কৰুণ মৃত্যু হয় মহিলাগৰাকীৰ । পথাৰত ছাগলী এৰাল দিবলৈ গৈছিল মহিলা গৰাকী। বনৰীয়া ম'হৰ পৰা মৰাপাট খেতিৰ সুৰক্ষাৰ বাবে চুবুৰীয়া মতি ৰাজভৰ নামৰ লোকজনে খেতি পথাৰত দিছিল বিদ্যুৎ সংযোগ। ওদালগুৰিৰ স্বামীগৃহৰ পৰা কিছুদিন পূৰ্বে বিহডুবিৰ পিতৃগৃহলৈ আহিছিল মহিলাগৰাকী। উক্ত ঘটনাটি স্থানীয় ৰাইজে আৰক্ষীক অৱগত কৰে । ঘটনাস্থলীত আৰক্ষী উপস্থিত হৈ ঘটনাটিৰ তদন্ত আৰম্ভ কৰিছে ।

লগতে আন এটা বাতৰি- চামগুৰিত ৰেলৰ চেপাত নিহত এজন