নগাঁও, 22অক্টোবৰঃ কেন্দ্ৰীয় চৰকাৰে মহামাৰী ক'ৰণাৰ বিভীষিকাৰ মাজতে 'কা' কাৰ্যকৰীকৰণৰ বাবে কুচকাৱাজ আৰম্ভ কৰাক লৈ নগাঁৱত গৰজি উঠিছে জাতীয়তাবাদী যুৱ ছাত্ৰ পৰিষদ । বিজেপিৰ ৰাষ্ট্ৰীয় সভাপতি জে পি নাড্ডাই শিলিগুৰিৰ এক সভাত শীঘ্ৰেই 'কা' কাৰ্যকৰীকৰণ কৰা হ'ব বুলি ঘোষণা কৰাৰ পিছতে এতিয়া ক্ষুণ্ণ হৈ পৰিছে বিভিন্ন জাতীয়-জনগোষ্ঠীয় দল-সংগঠন ।
নগাঁৱত বৃহস্পতিবাৰে অসম জাতীয়তাবাদী যুৱ ছাত্ৰ পৰিষদে জাতিধ্বংসী নাগৰিকত্ব সংশোধনী আইন কাৰ্যকৰীকৰণ কৰিবলৈ সুযোগ দিয়া নহ'ব বুলি জেপি নাড্ডাৰ প্ৰতিকৃতি দাহ কৰি হুংকাৰ প্ৰদান কৰাৰ লগতে জংগী আন্দোলন গঢ়ি তোলাৰো ভাবুকি প্ৰদান কৰে ।
উল্লেখ্যযোগ্য যে , সংসদত গৃহীত হোৱাৰ পিছত 'কা' সন্দৰ্ভত অধিসূচনা জাৰি কৰা হৈছিল যদিও বিধি প্ৰণয়ন নোহোৱাৰ বাবে কাৰ্যকৰী হোৱা নাছিল ।
লগতে পঢ়কঃ আপোনাৰ এধানি সহাৰিয়ে হাঁহি বিৰিঙাব কান্তেশ্বৰ সোণোৱালৰ মুখত
