কলিয়াবৰ, 5 ছেপ্টেম্বৰ : এগৰাকী শিক্ষক এডাল মমবাতিৰ নিচিনা ৷ যিয়ে নিজে জ্বলি আনক পোহৰ দিয়ে ৷ আজি শিক্ষক দিৱস (Teachers Day 2022) ৷ আজিৰ এই পবিত্ৰ দিনটোত অতীতক সুঁৱৰিলে কলিয়াবৰৰ এগৰাকী বৰ্ষীয়ান কৃৰ্তী শিক্ষকে ৷ 91 বছৰ গৰকা এই কৃৰ্তী শিক্ষকগৰাকী হৈছে কলিয়াবৰৰ তীৰ্থ দেৱ শৰ্মা (Aged Teacher is Remembering His old Days at Kaliabor)৷
আজিও কলিয়াবৰৰ এইগৰাকী আদৰ্শ শিক্ষক তথা লেখক তীৰ্থ দেৱ শৰ্মাই নিৰৱচ্ছিন্নভাৱে কৰি গৈছে সাহিত্য চৰ্চা ৷ উল্লেখ্য যে, কলিয়াবৰৰ দেউৰী চিলাবন্ধা গাঁৱত জন্মগ্ৰহণ কৰিছিল এইগৰাকী আদৰ্শ শিক্ষক তীৰ্থদেৱ শৰ্মাই ৷ তীৰ্থদেৱ শৰ্মাই 1949 চনত কুঁৱৰীটোল উচ্চ মাধ্যমিক বিদ্যালয়ত শিক্ষকতা আৰম্ভ কৰিছিল ৷
তাৰ পাচত তেওঁ 1994 চনত দেউৰী চিলাবন্ধা মজলীয়া বিদ্যালয়ৰ পৰা অৱসৰ গ্ৰহণ কৰে ।
লগতে পঢ়ক : আজি শিক্ষক দিৱস: শিক্ষকসকল দেশৰ সৰ্বশ্ৰেষ্ঠ মন হ'ব লাগে- ৰাধাকৃষ্ণন
45 বছৰীয়া শিক্ষকতা জীৱনত শৰ্মা জড়িত হৈ পৰিছিল সাহিত্য চৰ্চা তথা লেখা মেলা কৰাতো । অসমৰ কেইবাখনো আগশাৰীৰ কাকত, আলোচনীত লেখা-মেলা কৰাৰ লগতে গ্ৰন্থ প্ৰকাশো কৰিছিল শিক্ষক তীৰ্থ দেৱ শৰ্মাই । কলিয়াবৰৰ কেইবাখনো শিক্ষানুষ্ঠান, অনুষ্ঠান-প্ৰতিষ্ঠানৰ সৈতে জড়িত হোৱাৰ লগতে সামাজিক ক্ষেত্ৰখনতো বহু অৱদান আগবঢ়াইছে অৱসৰপ্ৰাপ্ত কৃৰ্তী শিক্ষক তীৰ্থ দেৱ শৰ্মাই ।
কিন্তু এইগৰাকী আদৰ্শ শিক্ষকক ৰাজ্য চৰকাৰৰ পৰা আজিও অৱহেলিত । চৰকাৰীভাৱে আজি পৰ্যন্ত শিক্ষকগৰাকীয়ে লাভ কৰা নাই কোনো মৰ্যাদা বা সন্মান । সংবাদ মাধ্যমৰ আগত এই কথা প্ৰকাশ কৰে অৱসৰপ্ৰাপ্ত কৃৰ্তী শিক্ষক তীৰ্থ দেৱ শৰ্মাই । পবিত্ৰ শিক্ষক দিৱসৰ দিনাই স্থানীয় লোকৰ চৰকাৰলৈ আহ্বান, এইগৰাকী স্বনামধন্য শিক্ষক তথা লেখক তীৰ্থ দেৱ শৰ্মাক যথোচিত সন্মানৰে তেওঁৰ কৰ্মৰাজিক স্বীকৃতি প্ৰদানৰে তেওঁক উৎসাহিত কৰি তোলক ।
লগতে পঢ়ক : বিহংগম দৃষ্টিত শিক্ষক দিৱস আৰু অসমৰ শিক্ষক সমাজ
