নগাঁও, 5 আগষ্ট: পথৰ দাঁতিত পৰিত্যক্ত অৱস্থাত থকা পিপিই কিট উদ্ধাৰক লৈ তীব্ৰ আতংকৰ সৃষ্টি হৈছে নগাঁৱৰ পুৰণিগুদামবাসীৰ মাজত ৷ পুৰণিগুদাম ৰাজ্যিক চিকিৎসালয়ৰ সমীপতে স্থানীয় লোকে বুধবাৰে পথৰ দাঁতিত পৰিত্যক্ত অৱস্থাত প্ৰত্যক্ষ কৰে দুটাকৈ ব্যৱহাৰ হোৱা পিপিই কিট ৷ স্থানীয় ৰাইজে উল্লেখ কৰা অনুসৰি, প্ৰতিদিনেই সেই স্থানত এম্বুলেঞ্চসমূহ আহি ৰয়হি আৰু এম্বুলেঞ্চৰ লোকেই সেই স্থানত পিপিই কিট দুটা পেলাই থৈ গৈছে ৷ এই অভিযোগ উত্থাপন কৰিছে পুৰণিগুদামৰ স্থানীয় ৰাইজে ৷
উল্লেখ্য যে, নগাঁও জিলাত প্ৰতিদিনেই ক্ৰমবৰ্ধমান অৱস্থাত আছে কৰ'ণা মহামাৰীৰ সংক্ৰমণ ৷ তাৰ মাজতে এনেদৰে পৰিত্যক্ত অৱস্থাৰ পিপিই কিট প্ৰত্যক্ষ কৰি আতংকিত হৈ পৰিছে স্থানীয় লোক ৷ স্বাস্থ্যকৰ্মীৰ দ্বাৰা সম্পাদিত এনে কাৰ্যত তীব্ৰ প্ৰতিক্ৰিয়া প্ৰকাশ কৰিছে শংকিত ৰাইজে ৷
লগতে পঢ়ক: কৰ’ণা ৰোগীৰ খাদ্যত ওলাল কুমজেলেকুৱা
