চামগুৰি, 9 জুলাই : বাৰিষা আৰম্ভ হোৱাৰ লগে লগে ৰাজ্যৰ বিভিন্ন প্ৰান্তত আৰম্ভ হৈছে বানৰ সংহাৰী ৰূপ ৷ ভৰ বাৰিষাৰ সময়চোৱাত ইতিমধ্যে কেইবাখনো জিলাৰ বহু অঞ্চল বানত বুৰ যোৱাৰ লগতে ঠায়ে ঠায়ে সৃষ্টি হৈছে কৃত্ৰিম বান ৷ ইয়াৰ মাজতে ঘনে ঘনে কৃত্ৰিম বানত বুৰ গৈছে চামগুৰি আৰক্ষী চকী ৷ এজাক বৰষুণতে বানত বুৰ যায় চামগুৰি আৰক্ষী নিৱেশৰ চৌহদ ৷
প্ৰাপ্ত খবৰ মতে, বিগত কেইবা বছৰ ধৰি বাৰিষা কালত কৃটিম বান পানীয়ে জলাকলা খুৱাইছে শিশু, মহিলাকে প্ৰমুখ্য কৰি চামগুৰি আৰক্ষী থানাৰ আবাসিক সকলক ৷ চাৰিওফালে পকী বেৰৰ মাজত বৰষুণৰ পানী জমাহৈ থানা খনৰ পুৰণি আৱাস গৃহ সমূহ বুৰাই পেলাই ৷ কৃত্ৰিম বানৰ কৱলৰ পৰা ৰক্ষা পৰে কেৱল পুৰণি কাৰ্যালয় গৃহটোহে ৷ পৰিণতত বাৰিষাৰ দিন কেইটাত আবাসিক সকলৰ লগতে কৰ্তব্যৰত আৰক্ষীৰ সকলৰো দুৰ্দশাৰ যেন অন্ত নপৰে ৷
উল্লেখ্য যে, চাৰিলেনযুক্ত ৰাষ্ট্ৰীয় পথ নিৰ্মাণৰ বাবে আৰক্ষী থানাখনৰ পৰা নলাৰে পানী ওলাই যাব পৰা ব্যৱস্থা নথকাৰ বাবেই এজাক বৰষুণতে থানাখনৰ চৌদিশে একাঁঠু একাঁঠু পানী জমা হয় ৷ যাৰ বাবে এতিয়া বিভিন্ন কাৰণত থানাখনলৈ অহা সৰ্বসাধাৰণ ৰাইজো চৰম অসুবিধাত পৰিছে ৷ উপায়ন্তৰ হৈ এই সন্দৰ্ভত শীঘ্ৰে বিহিত ব্যৱস্থা গ্ৰহণ কৰিবলৈ সংশ্লিষ্ট বিভাগক দাবী জনাইছে আৱাসীক এলেকাৰ লোক সকলৰ লগতে সাধাৰণ ৰাইজে ৷ যি সময়ত অসমৰ মুখ্যমন্ত্ৰী ড৹ হিমন্ত বিশ্ব শৰ্মাই অসম আৰক্ষীৰ সংস্কাৰৰ কথা কৈ বৰ বৰ ভাষণ দি আছে তেনে সময়তে চামগুৰি আৰক্ষী চকীয়ে যেন উদঙাইছে আৰক্ষী চকীৰ পঁয়ালগা অৱস্থাৰ প্ৰকৃত ছবি ৷
লগতে পঢ়কঃ কলিয়াবৰত মহকুমাধিপতিৰ Sudden visit
