এন আৰ চিৰ জাননীয়ে বিপাঙত পেলাইছে এগৰাকী মহিলাক

এন আৰ চিৰ জাননীয়ে বিপাঙত পেলাইছে ধিঙৰ এগৰাকী মহিলাক ৷ একে সময়তে দুটাকৈ ঠাইত মহিলাগৰাকীক উপস্থিত হ'বলৈ জাননী প্ৰেৰণ কৰা হয় ৷

বটদ্ৰৱা,8আগষ্ট : নগাঁৱৰ ধিং ৰাজহ চক্ৰৰ বলিকটীয়াৰ এগৰাকী মহিলালৈ এন আৰ চিৰ কৰ্তৃপক্ষৰ পৰা 24 ঘন্টাৰ ভিতৰত আহিল দুখনকৈ জাননী ৷ সাহাব উদ্দিনৰ পত্নী নাজমা খাতুনে লাভ কৰে দুখনকৈ জাননী ৷ জাননীত নাজমা খাতুনক 8আগষ্ট বৃহস্পতিবাৰে একে সময়তে নগাঁৱৰ চামগুৰিৰ বাজিয়াগাঁও আৰু লামডিঙত নথি-পত্ৰলৈ উপস্থিত হ'বৰ বাবে এন আৰ চি কৰ্তৃপক্ষই প্ৰেৰণ কৰে জাননী ৷ এনআৰচিৰ শুনানিৰ বাবে একে দিনাই একে সময়তে দুঠাইত উপস্থিত হ'বলৈ লাভ কৰা জাননীত বিপাঙত পৰিছে মহিলা গৰাকী ৷ এনআৰচিৰ দৰে এটা গুৰুত্বপূৰ্ণ বিষয়ত কৰ্মৰত বিষয়া কৰ্মচাৰীৰ এনে কৰ্মকাণ্ডত ক্ষুব্ধ হৈ পৰিছে একাংশ ৷