সোণৰ নাও বিক্ৰী কৰি গ্ৰেপ্তাৰ হ'ল দুই যুৱক

ৰজাআলিৰ জলিল উদ্দিন নামৰ লোকজনৰ সৈতে দুই প্ৰৱঞ্চকে এখন সোণৰ নাও দুই লাখ টকাত বিক্ৰী কৰিবলৈ কথা বতৰা পাতি থাকোতেই ৰাইজৰ সন্দেহ হোৱাত হাতে লোটে ধৰে যুৱক দুজনক

নগাঁও, 22 আগষ্টঃ এইবাৰ সোণৰ বিস্কুট নহয়,সোণৰ নাও বিক্ৰী কৰি ৰঙা ঘৰৰ আলহী হ'ল দুই যুৱক ৷ নগাঁৱৰ জাকিৰ হুছেইন আৰু ফৰিদুল ইছলাম নামৰ দুই প্ৰৱঞ্চকক আটক কৰিলে কচুৱা আৰক্ষীয়ে ৷ উল্লেখ্য যে,ৰজাআলিৰ জলিল উদ্দিন নামৰ লোকজনৰ সৈতে দুই প্ৰৱঞ্চকে এখন সোণৰ নাও দুই লাখ টকাত বিক্ৰী কৰিবলৈ কথা বতৰা পাতি থাকোতেই ৰাইজৰ সন্দেহ হোৱাত হাতে লোটে ধৰে যুৱক দুজনক ৷ ধৃত যুৱক দুজনৰ ঘৰ লংজাপত ৷

উল্লেখ্য যে,ধৃত নকল সোণ বিক্ৰী কৰা চক্ৰটোৱে ৰাজ্যৰ বিভিন্ন ঠাইৰ লগতে বহিঃৰাজ্য কেৰালাটো এনেদৰে নকল সোণেৰে নিৰ্মাণ কৰা নাও বিক্ৰী কৰা বুলি জানিব পৰা গৈছে ৷