মৰিগাঁও,13 মে’: জাগীৰোডত বৃহস্পতিবাৰে এগৰাকী মহিলাৰ মৃতদেহ উদ্ধাৰক কেন্দ্ৰ কৰি সৃষ্টি হৈছে তীব্ৰ চাঞ্চল্যৰ ৷ জাগীৰোডৰ ভাৰাঘৰত বসবাস কৰা মণিকা বৰ্মন নামৰ 37 বছৰীয়া মহিলা গৰাকীৰ মৃতদেহ বৃহস্পতিবাৰে পুৱা সন্দেহজনক অৱস্থাত উদ্ধাৰ হয় ৷ জানিব পৰা মতে, মৃত মহিলা গৰাকী মাৰ্কাংকুছি প্ৰাথমিক বিদ্যালয়ত শিক্ষকতা কৰি আছিল ।
ইফালে ন-খোলাস্থিত মহাত্মা গান্ধী আদৰ্শ চিকিৎসালয়ত থকা মৃতদেহটোৰ প্ৰাথমিক তদন্তৰ পাছত প্ৰশাসনিক বিষয়াই জনায় যে, মৃতদহটোৰ মুখত কিছু আঘাত আছে ৷ সম্প্ৰতি আৰক্ষীয়ে প্ৰাথমিক তদন্ত অব্যাহত ৰাখিছে ৷
উল্লেখ্য যে, পৰিয়ালৰ লোকে মহিলাগৰাকীক কোনো লোকে হত্যা কৰাৰ অভিযোগ উত্থাপন কৰিছে ৷ ইতিমধ্যে মণিকা বৰ্মনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে ৷
লগতে পঢ়ক: সোণাৰিত গ্ৰেণেডসহ এজন নগা যুৱক আটক
